Адиль Турдукулов кызуу талкууга жем таштаган Конституциялык реформа тууралуу өз пикирин "Фейсбук" баракчасынан билдирди. Ал Конституциялык реформага сөзсүз баруу керектигин айткан. Анткени, буга чейинки бийлик башында тургандар "парламентаризм" деп, элди алдап жашап келгенин жазган.

Жогорку Кеңештин депутаттары тарабынан иштелип чыккан Конституциянын долбоору коомчулук менен эксперттердин пикирин эске алуу менен толукталып иштелип чыгат. Бул тууралуу президенттин аппаратынын маалыматтык саясат бөлүмүнүн башчысы Нургазы Анаркулов билдирди.

Жакында кыргызстандыктар жалпы жарандык биометрикалык паспорттор менен камсыз болуп, визалык чектөөлөр алынат. Бул тууралуу Улуттук коопсуздук мамлекеттик комитетинен билдиришти.

Бишкек шаардык мэриясынын социалдык саясат боюнча вице-мэри Айжан Чыныбаева шаардык тез жардам кызматына А класстагы алты жаңы тез жардам унаасын тапшырды. Орусияда чыгарылган «Соболь» унаалары жалпы тез жардам бригадасына арналган. Алар бардык керектүү дарылоо-диагностикалык жабдуулар менен: бейтапты кычкылтек менен камсыз кылуу, электрокардиографтар, небулайзерлер, дары-дармектерди сактоочу чемодандар менен жабдылган.

Жалал-Абад облустар аралык ден соолукту калыбына келтирүүчү "Бакыт" борборундагы 100 орундуу кошумча жугуштуу оорулар бөлүмү убактылуу жабылды. Бул тууралуу өкмөттүн аталган облустагы өкүлчүлүгүнөн билдиришти.

Орусияда өткөн “Москва премьерасы” кинофестивалында “Шамбала” жана “Селкинчек” тасмалары сыйлыкка татыды. Бул тууралуу Кыргызстандын кинематографияны өнүктүрүү фондунан билдиришти.

19-20-ноябрь күндөрү КР тышкы иштер министри Руслан Казакбаев Тажикстанга иш сапар менен барат. Бул тууралуу Тышкы иштер министрлигинен билдиришти. Сапардын алкагында Казакбаев Тажикстандын тышкы иштер министри Сироджиддин Мухриддин жана башка расмий кызмат адамдары менен жолугушат.

Пакистан Кыргызстандагы Кыргыз мамлекеттик медициналык академиясын (КММА), Эл аралык жогорку медицина мектебин, Ош мамлекеттик университетинин медициналык факультетин жана Кыргыз-Россия Славян университетин кара тизмеден чыгарды. Бул тууралуу аталган өлкөнүн Медициналык комиссиясынын сайтында айтылат.

Ноябрь айында 20 миң адам пневмококк инфекциясына каршы эмделет. Бул тууралуу “Кабар” агенттигиндеги маалымат жыйында саламаттык сактоо министри Алымкадыр Бейшеналиев билдирди.

Саламаттык сактоо министрлиги "Медайымга рахмат айт" маалыматтык өнөктүгүн өткөрүүдө. Министрликтен билдиришкендей, аталган өнөктүк 16-ноябрдан 21-ноябрга чейин "Кыргыз Республикасынын медициналык билим берүүсүн реформалоо" долбоорунун колдоосу менен өткөрүлүүдө.

Кыргызстандын Тышкы иштер министрлигинен билдиришкендей, жакынкы күндөрү өлкөгө Өзбекстандан дагы 400 атайын оорукана контейнери жана 3 миң тонна буудай жөнөтүлөөрү күтүлүүдө. Андан сырткары, Өзбекстандын колдоосу аркылуу эки жаңы оорукананын курулушу башталат. 

Кыргызстандын жана Өзбекстандын президенттери ортосунда жетишилген макулдашуулардын алкагында Бишкекке кезектеги гуманитардык жүк келди. Бул тууралуу өкмөттүн аппаратынын маалыматтык камсыздоо бөлүмү билдирет.

Москва шаарында (Россия Федерациясы) Кыргыз Республикасынын биринчи вице-премьер-министри Артем Новиков Россия Федерациясынын президентинин администрациясынын жетекчисинин орун басары Дмитрий Козак менен жолугушту. Бул тууралуу өкмөттүн басма сөз кызматы билдирди.

Коронавирус инфекциясына каршы күрөштүн алкагында Россия өкмөтү Кыргызстандын Саламаттык сактоо министрлигине 500 комплект ПЧР-тест системасын жөнөттү. Бул тууралуу КР саламаттык сактоо министринин орун басары Нурболот Үсөнбаев билдирди.

Ички ирригация маселелери боюнча түзүлгөн демилгелүү топтун өкүлдөрү КР айыл чарба, тамак-аш өнөр жайы жана мелиорация министри Тилек Токтогазиев менен жолугушту. Бул тууралуу Ирригация маселелери боюнча демилгелүү топтон билдиришти.

Президенттин милдетин аткаруучу Садыр Жапаров бүгүн, 14-ноябрда, КР Шайлоо жана референдум өткөрүү боюнча борбордук комиссиясына КР президентинин кызмат ордуна талапкерлигин көрсөтүү үчүн документтерин тапшырды. Бул тууралуу президенттин басма сөз кызматы билдирди.

Мамлекеттик чек араны кайтаруу тутумун өркүндөтүү, эл аралык кылмыштуу топтордун кирүү коркунучуна каршы туруу, чектеш мамлекеттерден Кыргыз Республикасынын аймагына жүктөрдүн жана товарлардын, баңгизат каражаттарынын жана куралдын мыйзамсыз алып келинишине каршы күрөшүүнүн натыйжалуулугун жогорулатуу, ошондой эле мамлекеттик бийликтин аткаруу органдарынын функцияларын оптималдаштыруу максатында Мамлекеттик чек ара кызматы Улуттук коопсуздук мамлекеттик комитетинин курамына өткөрүлдү. Бул тууралуу өкмөттүн басма сөз кызматы билдирди.

Москва шаарында соода-экономикалык, илимий-техникалык жана гуманитардык кызматташтык боюнча Россия-Кыргыз өкмөттөр аралык комиссиясынын теңтөрагаларынын - КРдин биринчи вице-премьер-министри Артём Новиков менен Россия Федерациясынын өкмөтүнүн Төрагасынын орун басары Алексей Оверчуктун жолугушуусу болду. Бул тууралуу өкмөттүн басма сөз кызматы билдирди.

Бүгүн, 14-ноябрда, КРдин Президентинин милдетин аткаруучу, Премьер-министр Садыр Жапаров Өзбекстан Республикасынын Президенти Шавкат Мирзиёев менен телефон аркылуу сүйлөштү. Бул тууралуу президенттин аппаратынын маалыматтык саясат бөлүмү билдирет.

Жалал-Абаддын эки спортчусу самбо боюнча дүйнөлүк биринчиликте коло медаль утуп алышты. Бул тууралуу Turmush басылмасы жазып чыкты. 6-ноябрь күнү Сербиянын Нови-Сад шаарында өткөн турнирде алдыңкы орунду багындырган спортчуларды Сузак районунун тургундары облустагы Өкмөттүн ыйгарым укуктуу өкүлү Абсатар Сыргабаев менен бирге салтанаттуу тосуп алышты. 

Сиздин чыгармачылыгыңыз - бул улуу кыргыз эпосун сактоого гана эмес, кыргыз элинин рухий турмушуна да баа жеткис салым. Бул тууралуу Кыргыз Республикасынын Президентинин милдетин аткаруучу, Премьер-министр Садыр Жапаров манасчы Дөөлөт Сыдыков менен жолугушуу учурунда билдирди. 

14-ноябрда түнкүсүн Ош, Жалал-Абад, Баткен облустарынын көпчүлүк аймактарында, Чүй, Нарын облустарынын кээ бир райондорунда жаан, кар, тоо этектеринде жана тоолуу райондордо кар жаайт.

Бүгүн, 13-ноябрда, Кыргыз Республикасынын президентинин милдетин аткаруучу, премьер-министр Садыр Жапаров Казакстан Республикасынын президенти Касым-Жомарт Токаев менен телефон аркылуу сүйлөштү. Бул тууралуу президенттин аппаратынын маалыматтык саясат бөлүмү билдирет.

Бүгүн, 13-ноябрда, Кыргыз Республикасынын Президентинин милдетин аткаруучу, Премьер-министр Садыр Жапаров «Кыргызтест» мамлекеттик мекемесинде мамлекеттик кыргыз тил сынагын берди. Тест лексикалык жана грамматикалык ченемдерди иш жүзүндө колдонуу, маалыматты угуп, окуп түшүнүү, өз оюн жазып жана оозеки түрүндө айта билүү жөндөмүн баалайт. Президенттин м. а. Садыр Жапаров кыргыз тили боюнча сынакты ийгиликтүү тапшырды.

Бүгүн, 13-ноябрда Ош шаарынын Р.Абдыкадыров көчөсү оңдоодон өтүп, пайдаланууга берилди. Ага шаар мэри Таалайбек Сарыбашов, шаардык кеңештин депутаттары, тийиштүү жетекчилер жана жергиликтүү тургундар катышты. Бул тууралуу Ош шаардык мэриясынын басма сөз кызматы билдирет.

Кыргызстандын жарандары, анын ичинде студенттер жума күндөрү Бишкектен “Аэрофлот” жана “Авиатрафик” компанияларынын аба каттамдары аркылуу Россияга тоскоолдуксуз учуп кете алышат. Бул тууралуу “Кабар” агенттигине Жарандык авиация агенттигинин директору Курманбек Акышев билдирди.

Бишкек шаарынын вице-мэри, көптөгөн социалдык-экономикалык, экологиялык, эл аралык долбоорлордун демилгечиси жана жетекчиси Айжан Чыныбаева менен аялдардын ишкерлиги темасында маек курдук.

Бүгүн, 13-ноябрь күнү Бишкекте ыктыярдуу медиктер менен ыктыярчылардын штабынын ачылышы болуп өттү. Бул тууралуу Бишкек шаарынын мэриясынан билдиришти.

Россия Кыргызстан менен ар кандай форматта кызматташууга даяр. Бул тууралуу Россиянын Кыргызстандагы элчиси Николай Удовиченко билдирди.