Ысык-Көлдү тазалоонун 156-күнүндө суучулдар көлдүн астынан 16 миң 721 кг таштанды, 103 миң 950 метр балык уулоочу тор чыгарышты. Бул тууралуу Өзгөчө кырдаалдар министрлигинен билдиришти.

Кыргызстандын тышкы иштери министри Жээнбек Кулубаев Кипрдин тышкы иштер министри Константинос Комбос менен эки тараптуу жолугушуу өткөрдү.

Президент Садыр Жапаров “2023-2027-жылдар мезгилин Тоолуу региондорду өнүктүрүү боюнча иш-аракеттердин беш жылдыгы деп жарыялоо жөнүндө” Жарлыкка кол койду. Бул тууралуу президенттин басма сөз кызматынан билдиришти.

Кыргызстандын тышкы иштер министри Жээнбек Кулубаев “Азия кызматташтык диалогу” (АКД) уюмуна мүчө өлкөлөрдүн тышкы иштер министрлеринин 18-жыйынына катышты. Бул тууралуу КР ТИМден билдиришти.

Кыргызстандын тышкы иштер министри Жээнбек Кулубаев менен Сент-Люсиянын эл аралык соода жана жарандык авиация министри Альва Романус Батиста Кыргызстан менен Сент-Люсия ортосунда дипломатиялык мамилелерди орнотуу жөнүндө биргелешкен коммюникеге кол койду.

Бүгүн дүйнөдө тазалык күнү белгиленип жатат. Ага Кыргызстан бешинчи ирет катышууда. Иш-чара Айжан Чыныбаева жетектеген "Eco Demi" коомдук фондунун элчилиги астында өтүүдө. Кыргызстанда өтүп жаткан  тазалык күнүнө Евробиримдиктин элчиси Мэрилин Йосефсон да катышты. 

Эртең, 16-сентябрда Бишкекте күзгү жалпы шаардык ишембилик өтөт. Муниципалитеттен билдиришкендей, ишембиликте ирригациялык тармактар, сейил бактар жана гүл бакчаларды тазалоого өзгөчө көңүл бурулат. Ошондой эле көчө, короо, аянттар тазаланмакчы.