Жогорку Кеңештин бир мандаттуу Свердлов шайлоо округунан депутаттык мандаттын айланасындагы кырдаал дагы эле бүдөмүк. Бир нече соттук отурумдар болуп, Шайлообек Атазов мандатынан ажыратылса да, акыркы чечим чыга элек. 

Бишкекте “Каганат Арена” олимпидалык даярдоо борборунун салтанаттуу ачылышы 6-майга белгиленди. “Каганат Арена” - бул спорттук жана оюн-зоок иш-чараларын, анын ичинде: күрөш, көркөм гимнастика, оор атлетика жана башка оюндарды өткөрүүгө ылайыкталган көп функционалдуу зал. Аталган иш-чара Илим жана бизнес эл аралык университетинин 10 жылдыгын утурлай өтөт. “Каганат Аренанын” ачылышына белгилүү спортчулар, университет өкүлдөрү, коомдук ишмерлердин келиши күтүлүүдө.

Түрк Соода-өнөр жай палаталар биримдигинин ишкер айымдар комитетинин мүчөсү болгон 8 өлкөнүн өкүлдөрү Стамбулда жолугушту. Ага: Азербайжан, Казакстан, Кыргызстан, Өзбекстан жана Түркия менен байкоочу мүчө болгон - Венгрия жана Түркмөнстандан ишкер айымдар чакырылган.

27-апрель күнү, Бишкекте Кореянын алдыңкы гинеколог дарыгери Сонг Енг Мо, Казакстандын дарыгери Даут Маканов жана онколог дарыгер, профессор Нурлан Балтабековдун катышуусунда “Бардык куракта жаштыкты сактоо” аталышындагы конференция өтөт. 

“Эко Деми” коомдук фонду Билим берүү жана илим министрлиги, БААУнун Инновациялык колледжи, ЕРӨБ, “Шоро” компаниясы, “Бакай банк”, жана “Энергетикадагы айымдар” менен өнөктөштүктө “Жер Эне” долбоорунун алкагында Бишкек шаарындагы сегиз мектепте таштанды иргөө маданиятын жайылтуу боюнча пилоттук долбоорду ишке киргизди. 

“Эко Деми” коомдук фонду, БААУнун Инновациялык колледжи “Жер Эне” долбоорунун алкагында Бишкек шаарындагы сегиз мектепте таштанды чогултуу маданиятын жайылтуу боюнча пилоттук долбоорду ишке киргизет. 

Геологияны өнүктүрүү фонду геологдордун күнүнө карата уюштурган III республикалык “Геология - балдардын көз карашы менен” фотосынагынын жыйынтыгын чыгарды. Иш-чаранын максаты - геология жана геологдордун кесиптик иши жөнүндө түшүнүктү калыптандыруу жана кызыгууну арттыруу.