AUCA the best 2

2024-06-20

Интервью

 

AUCA the best 2

AUCA the best 2

Интервью

Адилет Канымет: Таш чайнап турган кезиңде бардык мүмкүнчүлүктөрдү пайдаланып калуу керек

Учурда Адилет Канымет Будапешттеги Корвин атындагы университетте окуйт. Ал буга чейин ири компанияларда иштеген. Каарманыбыз Чехия, Хорватия, Италия, Ватикан, Сербия, Польша, Грузия, Австрия жана Нидерланды өлкөлөрүнө саякаттап, ишкерликтин сырларын үйрөнүп жүрөт.

- Эмне үчүн Венгрия?

- Жообу эң жөнөкөй – мүмкүнчүлүктөрдү максимум колдонуп калуу. Өзүмдүн жообума кайра өзүм суроо бергим келет: “Менин бийиктигимдин чеги кайсыл жерде?”. Жеке мүмкүнчүлүктөрүмө карап, алдыңкы компанияларга хабдар аркылуу чыгууга аракет жасадым (Shared Services Companies), ал эми мындай мүмкүнчүлүктөр Венгрия жана Польшада абдан көп. Бактыга жараша, Stipendium Hungaricum стипендиясын утуп алып учурда акысыз билим алып жатам. Байкашымча, Кыргызстанда чет өлкөдө окугусу келгендер абдан көп, бирок кыялын ишке ашырууга далалат кылгандар аз. Аракет кылып, тажрыйба топтош керек. Учурда грант жана программаларды сунуштаган платформалар абдан көп. Негизгиси, пландар узак мөөнөттүү болушу кажет.

- Чет жерде сизди таң калтырган нерсе эмне болду?

- Менин күткөндөрүмдүн баары реалдуу болуп чыкты. Бир гана нерсе, бул жакта атаандаштык күч болсо керек деп ойлогом. Бактыга жараша же тилекке каршы, бул жакта бардык процесстер жай жүрөт экен. Бул абдан туура деп эсептейм.

- General Electric компаниясындагы стажировкаңыз тууралуу айтып берсеңиз. Эмне менен алектенип жатасыз?

- Бекер жүргөндү жактырбайм, дайыма кыймылдамын. Ошондуктан, бул компанияда да иштеп көрүүнү туура таптым. Жумуш анча оор эмес: отчёттор, салыштыруу, текшерүү менен алектенип, каржы бөлүмүндө төлөмдөр боюнча иш алып барам. Жакында эле АКШнын командасынын жумушун көрдүк, эми каржылык кызматташууга Будапешттеги өкүлчүлүк жооптуу болду. Мен жумушка жакында орношсом да, бүтүн бир компаниянын төлөмдөрү үчүн жооптуу болуп шайландым.

- Чет элдик компанияларда иштеп, тажрыйба топтогон киши катары кыргыз ишкерлигине же компаниялардын ишмердүүлүгүнө кандай баа бересиз?

- Кыргызстандагы компанияларда узакка иштебегеним үчүн салыштыруу кыйын. Старт-аптар менен гана иштегем. Бирок, баам салып жүрөм. Кыргыз бизнесинде чыгымдарды минимизациялап, нарк боюнча ырааттуу иш алып барып, рынок тобокелдиктерин кабыл алган компаниялар гана утуп кетет. Бул кызматкерлердин милдеттерине, айлык маянасынын көлөмүнө жана инвестицияларга таасирин тийгизет. Кыргыз компаниялары кызматкерлерге аз айлык берүүгө тырышат. Бул туура эмес. Ошол эле учурда мамлекетке салыкты өз учурунда төлөп, кызматкерлеринин билимине жана квалификациясынын жогорулашына кызыкдар компаниялар да аз эмес.

- Эми кандай пландар?

- Максаттар абдан бийик. Тиш барда таш чайнай турган мезгилим. Бардык мүмкүнчүлүктөрдү пайдаланып, алдыңкы компанияларга жумушка орношууга болгон аракетимди жумшайм. Өзүмдү чектебейм, бирок болжолумду аныктап алдым: же алдыңкы үчтүктөн консалтинг, же «agile»  баалуулугу менен иштеген топ компанияга иштөө планым бар. Бийик максаттарды койгондо, тобокелдиктерди да эске алуу керек. Бирок, бир жагынан алып караганда “шамалга каршы” жүрүүдө чоң пландарды коюу да зарыл. Кыскасы, кыбыраган кыр ашат

Интервью

 

Жаңылыктар

Какими будут школы в будущем и почему важно вносить изменения

Бизнес-форум: Түрк дүйнөсүнүн ишкер айымдары Стамбулда жолугушту

Кыргызстан - Корея: Бишкекте жаштыкты сактоо боюнча конференция өтөт

"Эко Деми" менен TSI таштанды чогултуу боюнча мектептер менен иштешет

Геологияны өнүктүрүү фонду фотосынактын жыйынтыгын чыгарды

БААУнун командасы эл аралык укук боюнча сынактын улуттук баскычын жеңди

"Эко Деми" проводит экологическую акцию вместе с ЕБРР

Дэвид Лахдир заложил капсулу времени в Makerspace Learning and Design Center of AUCA

Биздин айымдар: В Бишкеке прошел благотворительный форум

Приём заявок на стипендии Исполнительную программу по политикам и практикам развития

The Turkish clinic has signed an agreement with Dr. Osipova

Турецкая клиника подписала договор с доктором Осиповой

УРА! НОВОГОДНЯЯ ПРАЗДНИЧНАЯ ЯРМАРКА В БИШКЕКЕ!

ТПП КР: В Бишкеке пройдет новогодняя выставка-ярмарка

ORO EXPO: Көргөзмөдөгү зер компаниялары менен маек

AUCA the best 2

AUCA the best 2

AUCA the best 2

AUCA the best 2

AUCA the best 2

AUCA the best 2