Ташкенттеги Ислам цивилизациясы борборунда “Маданий-агартуу телеканалдары, жаңы форматтар жана эл аралык медиа кызматташтык” аттуу жыйын болуп өттү.

Иш-чарага Борбор Азия жана Азербайжандын алдыңкы телеканалдары менен маалыматтык агенттиктеринин директорлору жана жетекчилери катышты.

Жолугушуунун катышуучулары медиа тармактарынын ортосундагы кызматташууну чыңдоо, патриоттук тарбияны өнүктүрүү жана коомдо маданий баалуулуктарды калыптандыруу зарылдыгын белгилешти.

Жыйында Казакстандын “Abay” телеканалынын директору Еркин Мухамеджанов маданий-агартуу каналдарынын улуттук иденттүүлүктү сактоодогу ролун белгиледи. Жыйындын аягында тарыхый даректүү тасмаларды тартууда кыргыз-казак кызматташуусу тууралуу сүйлөшүү жүрдү. 

Ал эми Өзбекстандын “Sevimli” телеканалынын башкы директору Жалолиддин Сафоев өлкө теле тармагынын өнүгүүсү тууралуу тасма көрсөтүп, “Sevimli” телеканалы бардык багытта ийгиликтүү ишке ашырылып жаткан долбоорлор тууралуу кеңири баяндады. 

Азербайжандын Report маалымат агенттигинин директору Фуад Гусейналиев массалык маалымат каражаттары жаштарды патриоттук духта тарбиялоодо маанилүү роль ойнорун баса белгиледи. Ал Азербайжандын медиа тармагы кызматташууга ачык экенин белгиледи. 

Тажикстандын “Овози Тожик” телеканалынын башкы редактору Зухриддин Умаров көп улуттуу Тажикстанда бир нече тилде берүү жүргүзүүнүн маанисин белгиледи. Ал тажик телеканалдары көрсөтүүлөрдү көп тилде даярдарын жана аны ишке ашыруу процесси тууралуу айтып берди.