Ташкент шаарында өтүп жаткан “Борбор Азия: бирдиктүү агартуучулук мурас - жалпы келечек” эл аралык конгрессинин катышуучулары Ислам цивилизациясы борборунда жайгашкан Куран залында болуп, анын өзгөчө экспозициясы менен таанышты.

Конгресс өкүлдөрү бул жерде дүйнөдөгү эң байыркы Куран кол жазмаларынын бири менен таанышуу мүмкүнчүлүгүнө ээ болушту. Көрсөтүлгөн негизги кол жазма б.з.ч. 644–656-жылдар аралыгында үчүнчү халиф Усман ибн Аффандын көрсөтмөсү менен көчүрүлгөн. Бүгүнкү күндө ал ЮНЕСКОнун “Дүйнөнүн эс-тутуму” реестрине киргизилген баалуу мурастардын катарына кирет.

Тарыхый нуска 1200 чарчы метрлик кенен мейкиндикте, бийиктиги 60 метрге жеткен куполдун алдында сакталууда. Ошондой эле залда Курандын дагы 114 башка нускасы көргөзмөгө коюлган.

Учурда Ташкентте борбор Азия өлкөлөрү жана Азербайжандан келген илимпоздор, искусство таануучулар, адабият, маданият, агартуу жана кино тармагынын өкүлдөрү катышкан ири эл аралык конгресс өтүүдө.