Салтка айланып, бирок мезгилдик алмашууга байланыштуу токтоп калган айыл чарба жарманкеси кайра уланат.

Түркиянын Текирдаг шаарындагы Черкезкөй аймагында кыргыз келинин өлтүрүп, кескилеп салган 65 жаштагы түрк жараны кармалды. Бул тууралуу жергиликтүү маалымат булактары жазды.

Министрлер кабинетинин жаңы курамы Жогорку Кеңештин трибунасынан ант беришип, кызматка киришти. Ант берүү аземине президент Садыр Жапаров катышты.

COVID пандемиясынын биринчи жылы депрессия жана коркуу сезиминде болгондордун саны 26 пайызга өстү. Бул тууралуу окумуштуулардын эл аралык тобунун изилдөөсүндө айтылганын Lancet басылмасы жазды.

Бүгүн, 13-октябрда Жалал-Абад облусунун Аксы районунун Жергетал айыл аймагына караштуу Жергетал айылында 50 орундуу бала бакчанын ачылышы болуп өттү. Бул тууралуу Коомчулукту өнүктүрүү жана инвестициялоо агенттигинен (АРИС) билдиришти.

Кечээ, 12-октябрда Бишкекте АКШнын Ооруларды көзөмөлдөө жана аларга каршы чара көрүү борборлору (CDC) Кыргызстандын Саламаттык сактоо жана социалдык өнүктүрүү министрлигине жугуштуу ооруларды электрондук түрдө кабарлоонун жаңы системасын тапшырды. Бул тууралуу АКШнын Кыргызстандагы элчилигинин басма сөз кызматы билдирет.

Улуттук коопсуздук мамлекеттик комитеттин башчысы Камчыбек Ташиев 13-октябрда парламенттин жалпы жыйынында депутаттын суроосуна жооп берип жатып, өлкөдө бир кылмыштуу топ баш көтөрсө, «башын жанча» турганын айтты.

Кыргызстанда 13-октябрга карата коронавирус 63 адамдан аныкталды. Бул тууралуу Республикалык штабдан билдиришти.

Үстүбүздөгү жылдын 23-сентябрына карата дан эгиндери (буурчак өсүмдүктөрүн, күрүч жана гречканы кошпогондо) 533 миң гектар аянттан жыйналып алынды, бул өткөн жылдын ушул күнүнө караганда 0,9% га аз.

Мамлекеттик бажы кызматындагы көмүскө иштердин баары ачыкка чыгат. Бул тууралуу Жогорку Кеңештин жалпы жыйынында министрлер кабинетинин төрагасынын, президенттин администрациясынын жетекчисинин милдетин аткаруучусу Акылбек Жапаров билдирди.

Бишкектин турак жай-коммуналдык чарба тармагын көзөмөлдөгөн вице-мэри Максатбек Сазыкулов мэриянын санитардык-экологиялык инспекциясынын башчысы Медер Амангелдиев менен биргеликте Тоголок Молдо жана Москва көчөлөрүн текшерип чыкты. Бул тууралуу Бишкек мэриясынын басма сөз кызматы билдирет.

Кыргыз Республикасынын президенти Садыр Жапаров кол койгон Жарлыкка ылайык, Кыргыз Республикасынын Конституциясынын 71-беренесине ылайык, Жапаров Акылбек Үсөнбекович Кыргыз Республикасынын Министрлер кабинетинин төрагасынын - Кыргыз Республикасынын президентинин администрациясынын жетекчисинин милдетин аткаруучу болуп дайындалды. Бул тууралуу президенттин басма сөз кызматынан билдиришти.

Кыргызстандын аймагында көмүрдүн баасын убактылуу мамлекеттик жөнгө салуу киргизилди. Тийиштүү чечимге Министрлер кабинетинин төрагасы Улукбек Марипов кол койду.

16-октябрдан 20-октябрга чейин Бишкек шаарындагы «Манас» кинотеатрында V Түрк тасмалар жумалыгы өтөт. Бул тууралуу Маданият, маалымат, спорт жана жаштар саясаты министрлиги билдирди.

Президент Садыр Жапаров «Кыргыз Республикасынын Министрлер кабинети жөнүндө» конституциялык мыйзамга кол койду. Мыйзам 6-октябрда Жогорку Кеңеш тарабынан кабыл алынган.

Кыргызстандык спортчулар спорттук күрөш боюнча Дүйнө чемпионатынан кийин United World Wrestling уюмунун рейтингинде алдыңкы саптарга көтөрүлдү. Бул тууралуу аталган уюмдун сайтында айтылат.

Кечээ, 11-октябрда Ош шаарында Россия кино күндөрүн өткөрүү боюнча жыйын болуп өттү. Бул тууралуу Ош мэриясынын басма сөз кызматы билдирет.

УКМК Кызыл-Кыя шаарында "Хизбут-Тахрир" диний-экстремисттик уюмдарга үгүттөгөн деген шек менен алты жаранды кармады.

Бүгүн, 11-октябрда Кыргызстанга AstraZeneca вакцинасынын 55 миң 200 дозасы келди. Бул тууралуу Саламаттык сактоо жана социалдык өнүктүрүү министрлигинин басма сөз кызматы билдирет.

Кыргыз футбол союзуна Медербек Сыдыков жетекчи болду. Бул тууралуу аталган союздун басма сөз кызматы билдирди.

Кыргыз Республикасынын Энергетика жана өнөр жай министрлигине караштуу Геология жана жер казынасын пайдалануу мамлекеттик агенттигинин мурдагы башчысы Мелис Сатыбеков жана анын аткарган иштери боюнча коомчулукта жылуу пикирлер айтылып жүрөт. Окурмандардан да бул боюнча көп суроолор келгендиктен KEREEZ MEDIA редакциясы атайын иликтеп маалыматтарды топтоду. Геология жана жер казынасын пайдалануу мамлекеттик агенттигинин 6 айлык ишмердигинин жыйынтыктарын назарыңыздарга сунабыз.

Чүй облусунун Москва районунда турак үй өрттөнүп, бир адам каза тапты. Бул тууралуу Өзгөчө кырдаалдар министрлигинин басма сөз кызматы билдирди.

Жамбыл облусунун Байзак районундагы Сарыкемер айылында жайгашкан аскер кампасында жарылуу болгонун Казакстандын Коргоо министрлиги "Тараз 24" телеканалына билдирди.

Кыргыз театр жана опера искусствосу орду толгус оор жоготууга учурады.

2021-жылдын 9-октябрында 94 жаш курагында Кыргыз ССРинин эл артисти, көрүнүктүү опера ырчысы Ирина Деркембаева узакка созулган оорудан кийин дүйнөдөн кайтты.

Кыргызстандагы маданият күндөрүнүн алкагында Казакстандын Борбордук мамлекеттик музейинин жана А. Кастеев атындагы мамлекеттик искусство музейинин коллекциясынан Казакстандын археологиялык экспонаттары менен көркөм сүрөт искусствосунун көргөзмөсү ачылды. Бул тууралуу Кыргызстандын Маданият министрлигинин басма сөз кызматы билдирет.

Блогер, «Не сахар» долбоорунун автору Эрулан Көкүлов быйыл 28-ноябрда өтө турган парламенттик шайлоого «Ынтымак» партиясы менен барат. Бул тууралуу аталган партиядан кабарлашты.

Президент Садыр Жапаров Норвегиянын Осло шаарында өтүп жаткан Дүйнө биринчилигинде жеңике жеткен күрөшчүлөрдү куттуктады.

Министрлер кабинети кыргыз-тажик мамлекеттик чек арасындагы 2021-жылдын 28-30-апрелиндеги окуяларда жабыркаган салык төлөөчүлөргө мамлекеттик колдоо көрсөтүү чаралары жөнүндө чечим кабы алды.

Опузалап пара талап кылуу боюнча уюшкан кылмыштуу топтун мүчөсү кармалды. Бул тууралуу УКМКнын маалымат кызматы кабарлады.

2021-жылдын 6-7-октябрында Индияда кыргыз тасмаларынын кинофестивалы өттү. Бул тууралуу Кыргызстандын Индиядагы элчилигинин басма сөз кызматы билдирет.