16-октябрдан 20-октябрга чейин Бишкек шаарындагы «Манас» кинотеатрында V Түрк тасмалар жумалыгы өтөт. Бул тууралуу Маданият, маалымат, спорт жана жаштар саясаты министрлиги билдирди.

Жумалык Түркия Кинематография департаментинин, Түркиянын Кыргызстандагы элчилигинин колдоосу менен Yerli Düşünce бирикмеси тарабынан уюштурулган.

Жумалыктын алкагында төмөнкү тасмалар көрүүчүлөргө акысыз тартууланат:

1. «7-камерадагы керемет»
2. «Баскетбол алкагы»
3. «Маузер»
4. «Сүйүүнүн өмүрү»
5. «Мадыра баштар: Киндик-Дөбө» (анимациялык тасма)
6. «Өмер жана биз»

Тасмаларды көрсөтүүдөн тышкары Түркиянын режиссёр, продюсерлери менен көрүүчүлөрдүн жолугушуулары, ошондой эле эки өлкөнүн киноишмерлеринин пикир алышуулары, макулдашуулары орун алып, Кыргыз-Түрк «Манас» университетинин студенттери менен аңгемелешүү өткөрүлөт.