Күн мурун, 28-январда КР тышкы иштер министри Руслан Казакбаев Түрк академиясынын президенти Дархан Кыдырали менен жолугушту. Бул тууралуу КР Тышкы саясий ведомствосунун басма сөз кызматы билдирет.

Кыргызстанда 2020-жылы адам өлүмүнүн саны 7 миңге көп катталды. Бул тууралуу Мамлекеттик каттоо кызматынан билдиришти.

Этил спиртине жана алкоголдук продукциялардын айрым түрлөрүнө акциз салыгынын ставкалары жыл сайын жогорулашына ылайык, 2021-жылдын январынан тартып бул продукциялардын түрлөрүнө акциздин жаңы ставкалары белгиленди. Бул тууралуу Мамлекеттик салык кызматы билдирет.

Мурдагы премьер-министр Мухаммедкалый Абылгазиев эки айга камакка алынды. Бул тууралуу Биринчи май райондук сотунан кабарлашты.

 Казакстан өкмөтү 28-январда казак арибин латын графикасына которуу боюнча улуттук комиссиянын отурумун өткөрүп, латын алфавитинин жаңы үлгүсүн сунуштады.

Кыргыз Республикасынын президенти Садыр Жапаров бүгүн, 28-январда, эл аралык уюмдардын башчылары менен жолугушту. Бул тууралуу президенттин аппаратынын маалыматтык саясат бөлүмү билдирет.

Жалпы жарандык биометрикалык паспорттун 100 миң нускадагы биринчи партиясы үстүбүздөгү жылдын февраль айынын аягында келүүсү күтүлүүдө. Бул тууралуу Мамлекеттик каттоо кызматы (МКК) билдирди.

2021-жылдын 27-январында Бишкек шаарында Кыргыз Республикасынын тышкы иштер министри Руслан Казакбаев жаңы шайланган президент Садыр Жапаровдун кызмат ордуна киришүүcүнө байланыштуу аземине катышуу үчүн келген Жамааттык Коопсуздук Келишим жөнүндө Уюмунун (ЖККУ) Башкы катчысы Стансилав Зась менен жолукту. Бул тууралуу Тышкы иштер министрлигинин басма сөз кызматы билдирет.

Жаңы шайланган президент Садыр Жапаровго Кыргыз Республикасынын президенттинин күбөлүгү, төш белги жана штандарт тапшырылды. Аны ант берүү аземинде Борбордук шайлоо комиссиясынын төрайымы Нуржан Шайлдабекова тапшырды.

«Жаңы Кыргызстан — өткөн тарыхына сыймыктанган, бүгүнкү жашоо-турмушуна канааттанган, ал эми түп келечегине оптимизм менен караган эркин жарандардын өлкөсү болуп калууга тийиш!», — деп белгиледи Садыр Жапаров бүгүн, 28-январда, Кыргыз Республикасынын Президенти кызматына киришүү аземинде.

Бүгүн, Дайыр Асанов атындагы сейил багында Ленинград блокадасы курчоодон бошотулганынын 77 жылдыгына карата эскерүү жыйыны болуп өттү. Бул тууралуу Бишкек шаарынын вице-мэри Айжан Чыныбаева фейсбуктагы баракчасына жарыялады. 

Ленин акимиатынын жыйындар залында башчынын биринчи орун басары Алтынбек Маматовдун төралыгы алдында Ош базарынын жана райондун аймагында көмүскө жайларды аныктоо жана аларды токтотуу, коомдук тартипти сактоо боюнча ведомстволор аралык комиссиянын отуруму өткөрүлдү. Бул тууралуу Бишкек мэриясынын басма сөз кызматы билдирет.

2021-жылдын 25-январында Кыргызстандын Түркиядагы элчиси Кубанычбек Өмүралиев Анкара шаардык ооруканасынын башкы дарыгери Азиз Ахмет Сурел менен жолугушту.

Жазгы талаа жумуштарын өткөрүүгө даярдык көрүү жыл сайын бирдей шаблон боюнча өткөрүлбөшү керек. Дүйнө жүзү боюнча айыл чарба тармагы иштөөнүн жаңы шарттарына, инновацияларды ишке киргизүүгө, жогорку кирешелүү өсүмдүктөрдүн түшүмдүүлүгүн жогорулатууга өтүүдө. Бул туурасында Кыргыз Республикасынын премьер-министринин милдетин аткаруучу, биринчи вице-премьер-министрдин милдетин аткаруучу Артём Новиков жазгы талаа иштерине даярдык көрүү маселесин талкуулоо боюнча кеңешмеде билдирди.

Мыйзамсыз баюу фактысына байланыштуу экс-премьер-министр Мухаммедкалый Абылгазиев кармалды. Бул тууралуу Улуттук коопсуздук боюнча мамлекеттик комитет (УКМК) билдирет.

Түркмөнстанда эмдөө үчүн ири масштабдуу даярдык башталды. Материалдык-техникалык даярдыктан тышкары эмдөө үчүн жарандардын тобу да аныкталууда. Эң биринчи 60тан жогорку жаштагы кишилер эмдөөдөн өтөт.

Авиабилеттердин баасын арзандатуу аракетинен азырынча майнап чыга элек.

Ички иштер министринин мурдагы орун басары Курсан Асанов кармалды. Бул тууралуу ИИМдин басма сөз кызматынан билдиришти.

 Кыргыз Республикасынын Президентинин милдетин аткаруучу, Жогорку Кеңеш Төрагасы Талант Мамытов бүгүн, 26-январда, каржы министринин милдетин аткаруучу Кыялбек Мукашевди кабыл алды.

Инаугурация аземин журналисттер чагылдыруу үчүн республикалык телеканалдар аркылуу иш-чара түз алып берип көрсөтүлөт. Бул тууралуу КР президентинин басма сөз кызматы билдирет.

Манасчы Дөөлөт Сыдыков Бишкектин четиндеги Манас айылына жетекчи болот. Бул тууралуу «Бишкек» эркин экономикалык аймагынын жетекчиси Кудрет Тайчабаров билдирди.

Жаңы шайланган президент Садыр Жапаровдун алгачкы чет өлкөлүк визити Россияга болот. Бул тууралуу Жогорку Кеңештин Агрардык саясат, суу ресурстары, экология жана регионалдык өнүктүрүү боюнча комитетинин отурумунда вице-премьер-министр Равшан Сабиров маалымдады.

Япония Өкмөтүнүн «Чөптүн тамыры жана адам коопсуздугу» аталышындагы гранттык программасынын алкагында Эмгек жана социалдык өнүгүү министрлигинин эки мекемеси 145 миң 191 доллар колдоо алат. Бул тууралуу министрлик кабарлады. 

 23-январда Жаңы-Ангрен жылуулук электр борборунун цехинин жетекчисинин сөөгү өз үйүндө асылган абалда табылды. Бул тууралуу Gazeta.uz басылмасы кабарлады. Маалыматты Өзбекстандын Башкы прокуратурасы да тастыктады.

2021-жылдын 23-январынан тарта өлкөгө авиатранспорт аркылуу келген Кыргыз Республикасынын жарандары үчүн акыркы 72 саат ичиндеги ПЧР-анализи терс чыккан маалымдамалары болушу милдеттүү.

Кыргыз-корей кызматташтыгынын алкагында Кыргызстанда ботаникалык бакча ачылат. Бул тууралуу Айыл чарба, тамак-аш өнөр жайы жана мелиорация министрлигинин басма сөз кызматы билдирет.

Кыргыз Республикасынын Өкмөтү 2020-жылдын финансы-экономикалык көйгөйлөрүнөн сабак алуу менен бюджеттик саясаттын жаңы концепциясын ишке киргизүүдө. Бул туурасында премьер-министрдин жана биринчи вице-премьер-министрдин милдетин аткаруучу Артём Новиков бюджеттин, 2021-жылдын январь айына болжолдуу көрсөткүчтөрдүн аткарылышы, ошондой эле бюджеттик саясаттагы жаңы кадамдарды киргизүү маселеси боюнча кеңешменин жүрүшүндө билдирди. Бул тууралуу өкмөттүн басма сөз кызматынан кабарлашты.

Кытай Эл Республикасынын жогорку окуу жайларында бакалавриат, магистратура, докторантура жана кытай тил такшалмасында окуу боюнча конкурс жарыяланат. Бул тууралуу Билим берүү жана илим министрлигинин басма сөз кызматы билдирет.