“Азия банкы” ЖАК Кыргыз мамлекеттик медициналык академиясынын базасында атайын госпиталь уюштуруу үчүн 1,5 миллион сом бөлдү. Аталган госпиталда таажы вирусун жуктуруп алгандар дарыланмакчы. Ошондой эле бөлүнгөн каражатка медициналык жабдыктар, дары-дармек сатылып алынып, медициналык кызматкерлерди колдоого жумшалат.

“Исмаил Матраимов” кайрымдуулук фонду Райымбек Матраимовдун демилгеси менен Кыргызстанда эбегейсиз тездик менен тарап жаткан COVID-19 илдети менен күрөшүү акциясын улантууда. Акыркы төрт күн ичинде Райымбек Матраимовдун командасы Бишкекте жана Ошто стационардык ооруканаларды ачуу менен алек болду.

Жалал-Абад шаарынын мэринин тапшырмасы менен "Жеңиш" эс алуу багындагы Р. Санатбаев атындагы спорт мектеби жана "Динамо" спорт аянтчасы үй шартында дарыланып жаткан бейтаптар үчүн стационар катары уюштурулду. 

Дарыгерлер Талас, Жалал-Абад, Нарын, Ысык-Көл жана Баткен облустарынан келишти. Таажы вирусу пандемиясы башталган мезгилде Бишкектин медицина кызматкерлери Ош, Жалал-Абад жана Нарын облустарына барып жардамдашкан. 

Орусия Кыргызстандын Саламаттык сактоо министрлигине таажы вирусун аныктоочу 30 миң тест-система берди. Бул тууралуу Орусиянын Кыргызстандагы элчилигинен билдиришти.

Кыргызстанга Өзбекстандан гуманитардык жардам келгенин өкмөттүн маалымат кызматы билдирди. Бул Кыргызстандын жана Өзбекстандын президенттеринин ортосунда жетишилген макулдашуулардын алкагында ишке ашырылганы айтылат.

Борбор калаадагы спорт залдар бейтаптарга алгачкы жардам көрсөтүү үчүн даярдалып жатат. Бул жерге сасык тумоонун орточо жана жеңил түрүнө, пневмонияга кабылган шаардыктар келип медиктерден кеңеш алып кетишет.