Таажы вирусу өмүрүн билим берүүгө арнаган, агартуу тармагына эмгеги сиңген, билим берүүнүн отличниги Каныбек Эшматовду 64 жашында алып кетти.

Дүйнөлүк саламаттык сактоо уюму COVID-19 илдетине каршы күрөшүүнүн алкагында Кыргызстандын Саламаттык сактоо министрлигине жеке коргонуу каражаттарын тапшырды.

Президент Сооронбай Жээнбеков 16-июлда Чүй облусунун Чүй районундагы «Текстиль транс» ЖЧКсы текстиль фабрикасынын ишмердиги менен таанышты. Бул тууралуу президенттин аппаратынын маалыматтык саясат бөлүмү билдирет. Ишкананын негиздөөчүсү Алмазбек Абдраев пандемия учурунда жумуш орундарын сактап калуу максатында жарандык демилге көтөрүлүп, ишкана тез аранын ичинде медициналык максатта колдонула турган жеке коргонуу шаймандарын өндүрүүгө өткөнүн маалымдады.

Жалпы республикалык тестирлөөдөн (ЖРТ) жогорку балл алган 53 бүтүрүүчү алтын сертификатка татыктуу болду. Бул тууралуу Билим берүү жана илим министрлигинин басма сөз кызматы билдирет. Маалыматка ылайык, бул жылы жалпы республикалык тестирлѳѳгѳ 43 245 бүтүрүүчү катышты. Алардын ичинен 53 бүтүрүүчү эң жогорку упай алып, «Алтын сертификатка» ээ болушту.

Венгрия коронавирус менен күрөшүүгө Кыргызстанга гуманитардык жардам көрсөттү. Бул тууралуу Кыргызстандын Тышкы иштер министрлигинин басма сөз кызматы билдирет. Маалыматка ылайык, гуманитардык жардам көрсөтүүнүн алкагында Венгриянын тышкы иштер жана соода министри Петер Сийярто Бишкекке жумушчу сапары менен келди. 

Президент Сооронбай Жээнбеков кол койгон Жарлыкка ылайык, И. Ахунбаев атындагы Кыргыз мамлекеттик медициналык академиясынын студенти Мырзабекова Адинай Замирбековна өз жанын аябай жасаган ыктыярдуу эмгеги жана коронавирустук инфекцияга (COVID-19) каршы күрөшүүгө кошкон салымы үчүн «Эрдик» медалы менен (курман болгондон кийин) сыйланды. Бул тууралуу президенттин аппаратынын маалыматтык саясат бөлүмү маалымдайт. 

Жапония Кыргызстанга жалпы наркы 4,6 миллион долларлык медициналык жабдууларды берет. Мындай келишимге 14-июлда Бишкекте кол коюлуп, ага Жапониянын Кыргызстандагы элчиси менен Кыргызстандын каржы министри Бактыгүл Жээнбаева кол койгон.