Бүгүн, 27-августта, сот Чолпон Досмамбетованын төрагалыгы астында Бишкектин административдик соту “Кыргызстан” партиясынын БШКга каршы жазган арызын карады.

Сотко “Кыргызстан” партиясын колдоп 200 тарапташы келсе, чогулган башка активисттер БШКнын чечимин күчүндө калтырууну талап кылышты. Жыйынтыгында сот партия өкүлдөрүнүн себептерин негиздүү деп таап, арызын канааттандырды. Мындай чечимге нааразы болгон БШКнын өкүлдөрү Жогорку сотко кайрыларын билдирди.

Эске салсак, 25-августта, БШК “Кыргызстан” саясий партиясынын парламенттик шайлоого катышуу үчүн тапшырган документтерин артка кайтарган болчу. Боршайком “Кыргызстан” партиясынын документтерин анын “ыйгарым укуктуу өкүлү эмес, башка адам тапшырганы мыйзам бузуу болгон” деп тапкан.