Бул тууралуу Адахан Мадумаров партиянын съездинде билдирди.

Анын айтымында, депутаттарды шайлоо боюнча “Бүтүн Кыргызстандын” позициясы чечкиндүү. “Биз кыргыз парламентин партиялык шайлоо менен эмес, элге кайтарып берүү жагын убада кылабыз. Депутат партия эмес, аны ар бир айыл өз өкүлүн өзү тандай турган деңгээлге жеткиришибиз керек. Партиялык шайлоо деген системаны жоюшубуз керек. Бийликтин туткасы эл. Эл укугун элге кайтарып беришибиз керек”,- деди А. Мадумаров.

Кошумчалай кетсек, парламенттик шайлоо 4-октябрга белгиленген. Ага катышуу тилегин 44 партия билдирип, бирок бүгүнкү күндө расмий түрдө 11 партия түрдүү себептерден улам жарыштан чыккан.