Бүгүн, 20-августтан тарта Бишкекте коомдук транспорт (автобус, троллейбус жана микроавтобустар) эми дем алыш күндөрү да иштейт. Бул тууралуу борбор калаанын маалымат кызматы билдирди.

Ага ылайык, коомдук транспорт дем алыш күндөрү да ошол эле график боюнча иштейт –7:00дөн 11:00гө чейин жана 14:00 – 23:00гө чейин. Дезинфекциялык тыныгуу саат 11.00дөн 14.00гө чейин.

Ошондой эле, кафе, ресторан жана башка тамактануучу жайлардын иштөө графиги узартылды. Эми алар 7: 00дөн 0: 00гө чейин иштей алышат. Супермаркеттер, дүкөндөр жана соода борборлору дагы 7: 00дөн 00: 00гө чейин иштейт. Мындан тышкары, сейил бактар, аянттар, бульварлар барууга чектөөлөр алынып, велосипедди ижарага алуу пункттарынын иштешине уруксат берилген.

Көңүл ачуучу жайлардын жана балдар аянтчаларынын ишмердүүлүгү учурда каралып жатканы малым болду.