Бүгүн түнүндө Орто-Сай базарында чыккан өрт толугу менен өчүрүлдү. Бул тууралуу Өзгөчө кырдаалдар министрлигинен билдиришти. Маалыматка ылайык өрт тууралуу маалымат бүгүн, 9-ноябрь түнү саат 00:18де түшкөн.

Кыргызстанда бир күн ичинде коронавирус (пневмонияны эсепке алганда) 571 адамдан табылып, 5 киши каза болду. Бул тууралуу Республикалык штабдан билдиришти.

Онлайн-окутууда кандай кыйынчылыктар жана артыкчылыктар бар? Студенттин өнүгүүсү жана анын келечектеги карьерасы үчүн жалпы билим берүү курстарынын мааниси канчалык? Ошондой эле, профессордун сабак өтүүсү үчүн эмне стимул болот? Ушул жана көптөгөн башка нерселер жөнүндө БААУнун “Жалпы билим берүү программалары” багытынын тең жетекчиси, доцент Чынара Рыскулова айтып берди.

Акыркы маалыматтарга караганда, дүйнөдө коронавирус жуктургандардын саны 50 миллионго жетти. Бул тууралуу Жонс Хопкинс университети билдирет.  Университеттин маалыматында, бейтаптардын саны - 50 052 204. Мурдагы суткада АКШда 126 миңден ашык жарандын вирус жуктурганы маалымдалган.  

Ушул күндөрү Сербияда өтүп жаткан Самбо боюнча дүйнө чемпиондугунун экинчи күнүндө Кыргызстандын спортчулары 3 медалга ээ болушту. Кечээ, 7-ноябрда өткөн спорттук жана күжүрмөн самбо мелдештеринде эркектер жана аялдар үчүн 9 медалдар топтому ойнотулду.

Кыргыз Республикасынын Президентинин милдетин аткаруучу, Премьер-министр Садыр Жапаров 9-ноябрда Нарын облусуна иш сапар менен барат. Бул тууралуу өкмөттүн аппаратынын маалыматтык камсыздоо бөлүмү билдирет.

Түркияда Facebook, TikTok, Twitter социалдык тармактары жана YouTube видео хостингине "Социалдык тармактар жөнүндөгү" жаңы мыйзамды аткарбаганы үчүн 1,18 миллион доллар айып пул салынды. Бул тууралуу өлкөнүн Транспорт жана инфратүзүм министринин орун басары билдирди. "Техникалык фирмалар биздин өкмөт тарабынан коюлган талаптарды аткарбай, контентин өчүрбөй, жергиликтүү өкүлдү шайлабаганы үчүн жазаланды", - деп айтылат маалыматта.