2023-жылдын 6 айында Баткен облусунда 600дөн ашуун ишкер жеңилдетилген насыя алды. Бул тууралуу президенттин Баткен облусундагы өкүлчүлүгүнөн билдиришти.

Президент Садыр Жапаров «КРнын жарандарынын жалпыга бирдей аскердик милдети жөнүндө, аскердик жана альтернативдик кызматтар жөнүндө» КР Мыйзамына өзгөртүүлөрдү киргизүү тууралуу» КР Мыйзамына кол койду (2023-жылдын 14-июлунда № 137).

2023-жылдын 19-июлунда Казакстандын мамлекет башчысы Сауд Арабия Падышалыгына иш сапары менен барат. Бул Касым-Жомарт Токаевдин ыйык жерлер өлкөсүнө болгон экинчи сапары. Былтыр эки мамлекеттин ортосундагы дипломатиялык мамилелердин түзүлгөнүнүн 30 жылдыгына карата Казакстандын президенти катары Сауд Арабия Падышалыгына алгачкы расмий сапарын жасаган.

Президент Садыр Жапаров Сауд Араб Падышалыгынын Кыргызстандагы элчиси Ибрахим бин Ради Аль-Радини кабыл алды. Президенттин басма сөз кызматынан билдиришкендей, эки тараптуу кызматташтыктын өз ара кызыкчылык туудурган ар кандай чөйрөлөрдөгү актуалдуу маселелери тууралуу пикир алмашуу болду.

Бишкекте Соода-өнөр жай палатасынын жетекчиси Темир Сариев ишкер айымдар менен жолугушуу өткөрүп, жаңы стартаптар, маалыматтык технологиялар жаатындагы долбоорлор, жаңы билим берүү платформаларын түзүү, кыргыздын кол өнөрчүлүк мурасын сактоо жана анын санариптик трансформациясы, экологиялык демилгелерди талкуулашты. 

Билим берүү тармагы 2023-жылы 65,3 млрд сомго каржыланат, деп билдирет Финансы министрлигинин басма сөз кызматы. Ведомствонун билдирүүсүнө караганда, бул 2020-жылга салыштырмалуу эки эсеге көп.

Президент Садыр Жапаров бүгүн резиденциялары үчүнчү өлкөлөрдө жайгашкан Палестинанын, Кувейт Мамлекетинин, Бахрейн Падышалыгынын, Дания Королдугунун жана Грузиянын Атайын жана Ыйгарым укуктуу элчилеринен ишеним грамоталарын кабыл алды.