Кыргызстанда 22 мугалим билим берүү тармагына кошкон өзгөчө салымы үчүн сыйланды. Бул тууралуу Билим берүү жана илим министрлигинен билдиришти.

Жумгал районунда үйлөрүн камсыздандыруудан өткөргөндөргө 1,1 млн сом берилди. Бул тууралуу президенттин Нарын облусундагы өкүлчүлүгүнөн билдиришти.

Улуу жазуучу Чыңгыз Айтматовдун 95 жылдык мааракесинин алдында Кыргызстандын Грузиядагы элчилигинин демилгеси жана Ардактуу консулдарынын колдоосу менен жазуучунун чыгармалары грузин тилине которулду. Бул тууралуу Кыргызстандын Азербайжан жана Грузиядагы дипломатиялык өкүлчүлүгүнөн билдиришти.

КРдин Эне жана баланы коргоо улуттук борборунун балдар онкологиясы жана онкогематология бөлүмүнүн башчысы Султан Стамбеков "Кабар" агенттигине балдар арасында онкологиялык оорулардын көбөйүшүнүн себебин түшүндүрдү.

КРдин эл артисти Айтурган Темирова чыгармачылыгындагы 25 жылдык тыныгуудан кийин кайрадан тасмада роль жаратты. Белгилүү режиссер Руслан Акун тарткан “Салам, Европа” деп аталган комедия жанрындагы фильмде башкы ролду ойногон Темирова тасманын сценарийине жана режиссердун ишмердүүлүгүнө жогору баа берди. Актриса тасманын тартым жараяны, таасирлери тууралуу “Kereez media” редакциясына маек курду. 

Баткен шаарында Тажикстандын куралдуу кол салуусунда каза болгон ишкердин уулу 40 миң тоокко ылайыкталган ферма ачууда. Бул тууралуу президенттин аймактагы өкүлчүлүгүнөн билдиришти. Маалыматка ылайык, президенттин өкүлү Абдикарим Алимбаев Чет-Булак кварталында курулуп жаткан ишканадан кабар алды.

Жол кыймылынын коопсуздугун камсыздоо башкы башкармалыгы Милициянын кайгуул кызмат башкармалыгына сынактык негизде кызматкерлерди кабыл алууну улантууда. Ведомствонун басма сөз кызматынан билдиришкендей, айлык акысы 40 миңден жогору.