Бишкектеги №2 үй-бүлөлүк медицина борборунда «Спутник V» вакцинасынын 930 дозасы муздаткычтын өчүп калганына байланыштуу жараксыз болуп калды. Бул тууралуу “Кабар” агенттигине Республикалык иммунопрофилактика борборунун директору Гүлбара Ишенапысова билдирди.

Жогорку Кеңештин Укук коргоо, кылмыштуулукка каршы күрөшүү жана коррупцияга каршы аракеттенүү боюнча комитети Минстрлер кабинети тарабынан демилгеленген “Кыргыз Республикасынын Бузуулар жөнүндө кодексине өзгөртүүлөрдү киргизүү жөнүндө” мыйзам долбоорун биринчи окууда карады.

21-майдан 31-майга чейин Өзбекстандын Ташкент шаарында оор атлетика боюнча өспүрүмдөр арасында Дүйнө чемпионаты өтөт. Бул тууралуу Жаштар иштери, дене тарбия жана спорт агенттиги билдирди.

«Кумтөр» ишканасына сырттан башкаруучу болуп Тенгиз Бөлтүрүк дайындалды. Аны кечээ министрлер кабинетинин төрагасы Улукбек Марипов жамаатка тааныштырды.

Өкмөттүн маалыматында, ишканада кыскартуулар күтүлбөйт.

Япониядагы медицина кызматкерлеринин абройлуу биримдиги өлкө бийлигин Токиодо өтүшү керек болгон жайкы Олимп оюндарынан баш тартууга чакырды.

Бишкектин “Арча-Бешик” конушундагы "Газпром-Балдарга" спорт-эс алуу комплексинде Азия чемпиону, Дүйнө чемпиондугунун коло медалынын ээси жана Кыргызстандын көп жолку чемпиону Бекболот Рахатбековдун жаркын элесине арналган самбо боюнча эл аралык турнирдин ачылышы болот.

«Кумтөр» боюнча мамлекеттик комиссия 28 жылда кен боюнча кандайдыр бир чечим чыгарууга тиешеси бар адамдардын тизмесин түзүп, укук коргоо органдарына өткөрүп берди. Бул тууралуу Жогорку Кеңештин депутаты Айнуру Алтыбаева жергиликтүү радиолордун бирине берген маегинде билдирди.

КСДПнын расмий өкүлү Кундуз Жолдубаева бүгүн, 18-май саат 16.00дө Ички иштер министрлигинин тергөө кызматына камактагы саясатчы Жеңиш Молдокматовдун иши боюнча суракка чакырылды. Бул тууралуу ал өзүнүн фейсбук баракчасына жарыялады.

КРнын Улуттук банкы Кумтөрдүн алтындарын түз сатып ала баштайт. Бул тууралуу парламенттин кезексиз жыйынында Centerra Gold Inc компаниясынын директорлор кеңешинин Кыргызстан тараптан экс-мүчөсү Теңиз Бөлтүрүк билдирди.

 Кечээ, 17-майда Ак-Сай (Кыргызстан) жана Ворух (Тажикстан) айылдарынын чек арасында эки өлкөнүн чек ара өкүлдөрүнүн ортосунда жолугушуу өттү. Бул тууралуу УКМКнын Чек ара кызматынан билдиришти.

Кыргыз Республикасынын президенти Садыр Жапаров мурда пландаштырылган эл аралык иш-чараларга байланыштуу, эпидемиологиялык кырдаалды эске алуу менен санитардык-эпидемиологиялык талаптарды сактоо максатында, убактылуу аралыктан иштөө режимине өттү. Бул тууралуу президенттин басма сөз кызматы билдирет.

Билим берүү жана илим министрлигинин буйругуна ылайык Бишкекте мектеп бүтүрүүчүлөрүнүн жалпы республикалык тестирлөөсү (ЖРТ) өтөт. Бул тууралуу Бишкек шаардык мэриясынын басма сөз кызматы билдирет.

Тараптардын жетишилген макулдашууларына ылайык, 2021-жылдын 13-17-майына чейин Тажикстан Республикасынын Дүйшөмбү шаарында Кыргыз Республикасынын жана Тажикстан Республикасынын кыргыз-тажик мамлекеттик чек арасын делимитациялоо жана демаркациялоо боюнча өкмөттүк делегацияларынын топографиялык жумушчу топторунун кезектеги жолугушуусу болуп өттү.

Кыргызстан «Центерра Голд» компаниясы менен соттошсо утуп чыгат. Бул тууралуу Экология жана климат боюнча мамлекеттик комитеттин төрайымы Динара Кутманова, Жогорку Кеӊештин кезексиз жыйынында “Кумтөр” алтын кенинин ишмердүүлүгүн иликтөө жыйынтыгы угулуп жатканда билдирди.

Улуттук коопсуздук боюнча мамлекеттик комитет «Кумтөр» алтын кенине байланыштуу кылмыш иштерин иликтеп жатат. Анын алкагында мурдагы келишимдерди түзгөн айрым жетекчилер суракка чакырылып баштайт.

 Кыргыз Республикасынын президенти Садыр Жапаров бүгүн, 17-майда, Пакистан Ислам Республикасынын, Өзбекстан Республикасынын, Венгриянын, Афганистан Ислам Республикасынын, Түркия Республикасынын, Казакстан Республикасынын атайын жана ыйгарым укуктуу элчилеринен ишеним грамоталарын кабыл алды. Бул тууралуу президенттин басма сөз кызматы маалымдайт.

Кыргыз-тажик чек арасындагы абал туруктуу, деп билдирет Улуттук коопсуздук мамлекеттик комитетинин басма сөз кызматы.

Бүгүн, 17-майдан тарта Бишкекте ысык суу бир айга өчүрүлөт. Бул тууралуу Бишкек мэриясынын басма сөз кызматынан маалымдашты.

Кечээ, 15-май күнү Бишкек шаардык мэриясынын уюштуруусунда «9х19» спорттук ок атуу комплексинде ок атуу боюнча Бишкек шаарынын чемпионаты болуп өттү. Бул тууралуу ок атуу боюнча спортчу жана машыктыруучу Каныкей Кубанычбекова KEREEZ.KGге билдирди.

Кыргыз Республикасынын Министрлер Кабинетинин Төрагасы Улукбек Марипов Түркия Республикасынын Палаталар жана товардык биржалар бирлигинин (Türkiye Odalar ve Borsalar Birliği – TOBB) президенти Рифат Хисарджыклыоглу жетектеген делегация менен жолугушту.

Кыргыз Республикасынын президенти Садыр Жапаров бүгүн, 14-майда, АКШнын Кыргызстандагы атайын жана толук ыйгарым укуктуу элчиси Дональд Луну дипломатиялык миссиясынын аякташына байланыштуу кабыл алды.

Кыргыз Республикасынын президенти Садыр Жапаров «Кыргыз Республикасынын айрым мыйзам актыларына («Акционердик коомдор жөнүндө» Кыргыз Республикасынын мыйзамына, Кыргыз Республикасынын Жазык кодексине) өзгөртүүлөрдү киргизүү жөнүндө» Кыргыз Республикасынын мыйзамына кол койду. Бул тууралуу презденттин басма сөз кызматынан кабарлашты.

Мыйзам Кыргыз Республикасынын Жогорку Кеңеши тарабынан 2021-жылдын 6-майында кабыл алынган.

Жол кырсыгына себепчи болбо! Милиция кайырчы жана ыктыярчыларга түшүндүрүү иштерин жүргүзүүдө

Бишкек шаардык милициясы боюнча милициянын кайгуул кызматкерлери автоунаа жүрүүчу чоң жолдордо кайырчылык менен айдоочулардан акча чогулткан жарандарга жана атайын оорулуу бейтаптарга жардам көрсөтүү максатында айдоочулардан акча чогулткан ыктыярчыларга жол кыймылынын коопсуздугун сактоо боюнча түшүндүрүү иштерин жүргүзүүдө. Бул тууралуу Милициянын кайгуул кызматынын басма сөз кызматы билдирет.

Кыргыз-кытай чек арасында жер титиреди. Бул тууралуу Өзгөчө кырдаалдар министрлигинин басма сөз кызматы Сейсмология институтуна таянып билдирди.

Тажикстандын куралдуу агрессиясынан жабыркаган Баткен облусуна жардам берүү үчүн өкмөт тарабынан атайын эсеп ачылган. Ал эсепке дээрлик 85 млн сом чогулду.

Кыргыз Республикасынын президенти Садыр Жапаров бүгүн, 13-майда, Казакстан Республикасынын президенти Касым Жомарт Токаев менен телефон аркылуу сүйлөштү. Бул тууралуу президенттин басма сөз кызматы кабарлайт.

Кыргызстан мусулмандарынын Азирети Муфтийинин милдетин аткаруучу Жоробай ажы Шергазыев кыргызстандыктарды Орозо айт майрамы менен куттуктады.

Бишкек аймактык шайлоо комиссиясынын мүчөлөрү Бишкек шаардык кеңешине шайлоонун жыйынтыгын жокко чыгарды. Мындай чечимди Бишкек аймактык шайлоо комиссиясы 12-майдагы жыйынында кабыл алды.

Кыргыз Республикасынын президенти Садыр Жапаров бүгүн, 13-майда, кыргызстандыктарды Орозо айт майрамы менен куттуктады, - деп билдирет президенттин басма сөз кызматы.

Борбор калаада 17-майдан баштап бир айга ысык суу өчүрүлөт. Тиешелүү буйрукка калаа башчысынын милдетин аткаруучу Бактыбек Кудайбергенов кол койгонун мэриянын басма сөз кызматы кабарлады.