Кыргызстан «Центерра Голд» компаниясы менен соттошсо утуп чыгат. Бул тууралуу Экология жана климат боюнча мамлекеттик комитеттин төрайымы Динара Кутманова, Жогорку Кеӊештин кезексиз жыйынында “Кумтөр” алтын кенинин ишмердүүлүгүн иликтөө жыйынтыгы угулуп жатканда билдирди.

Анын айтымында, дүйнөлүк тажрыйбада жергиликтүү калктын ири компанияларды сотто утуп алган учурлар деле жок эмес. Аларга караганда Кыргызстандын позициясы кыйла бекем.

«Центерра Голд» компаниясы мыйзамдарды так сактарын, алардын иши эл аралык жогорку стандарттарга жоо берерин байма-бай айтып келет. Бирок, өнөр жай гигиенасы боюнча эл аралык аудит 2008-жылы жумуш жүргүзүлгөн аймакта коргошундун катышы 2,5-3,5 эсе жогору экенин аныктаган. Көрсө, компаниянын кызматкерлери граммдын ордуна миллиграммды, куб метрдин ордуна литрди көрсөтүп келишкен экен», — деди Динара Кутманова.

Жогорку Кеӊеш “Кумтөр” алтын кенинин ишмердүүлүгүн текшерүү боюнча убактылуу депутаттык комиссия түзгөн, андан кийин ал мамлекеттик комиссия болуп кайра түзүлгөн.

Кенден жылына болжол менен 15-18 тонна алтын өндүрүлөт. «Центерра Голд» компаниясынын Директорлор кеӊешинин курамы 11 адамдан турат, кыргыз тараптан 3 гана өкүл бар.

Maral