Бишкек аймактык шайлоо комиссиясынын мүчөлөрү Бишкек шаардык кеңешине шайлоонун жыйынтыгын жокко чыгарды. Мындай чечимди Бишкек аймактык шайлоо комиссиясы 12-майдагы жыйынында кабыл алды.

Буга чейин аймактык шайлоо комиссиясы "Эмгек" жана "Ак Бата" партияларын шайлоодон четтеткен.  

Аталган партиялар тарабынан шайлоо убагында мыйзам бузуулар катталгандыгы үчүн жарыштан алынган.

Эскерте кетсек, 11-апрелде жергиликтүү кеңештерге шайлоо өтүп, жети пайыздык босого чегинен "Биздин эл", "Ата-Журт Кыргызстан", "Эмгек", "Ынтымак", "Ак Бата" жана "НДПК" партиялары өткөн.

Бирок көп өтпөй "НДПК" партиясы жарыштан четтетилген.

Кошумчалай кетсек, Ош жана Токмок шаардык кеңештерге дагы шайлоонун жыйынтыгы жокко чыгарылган.