2019-жылдын 30-декабрь күнү Президент Сооронбай Жээнбеков “Кыргыз Республикасынын мамлекеттик сыйлыктарын ыйгаруу жөнүндөгү” Жарлыгына кол койду. Ага ылайык, Борбордук Азиядагы Америка университетинин антропология факультетинин профессору Чолпон Турдалиевага “Кыргыз Республикасынын илимине эмгек сиңирген ишмер” наамы ыйгарылды.

Кытай Эл Республикасынын Улуттук статистика бюросунун расмий маалыматына караганда, 2018-жылга салыштырмалуу өлкөнүн калкынын саны 4,67 миллионго өстү. Аялдардын саны – 684,78 млн болсо, эркектер 715,27 миллионго жеткен. Бул тууралуу China Daily жазып чыкты.

Британиялык климатологдор Эвересттин акыркы 20 жылда спутниктен тартылган сүрөттөрүн талдап көрүп, жашыл аянттар кеңейип, кыйла жогору карай жайылганын аныкташты. Маалыматка караганда, тоонун 5500 метр бийиктигинде өсүмдүк өсө баштаган.

Венеция каналдарындагы суу кыйла тайыздап кетти. Жалпыга маалымдоо каражаттары суусу кургаган каналдын түбүндө жаткан кайыктын сүрөтүн жарыялады. 

Швейцариялык окумуштуулар пластиктен алтын жасашты. Анын тыгыздыгы чыныгы алтындан 10 эсе аз болгону эле болбосо, химиялык касиеттери боюнча баалуу металлдан калышпайт.

Samsung компаниясы Neon долбоорунун алкагында алгачкы “жасалма адамды” иштеп чыкты. Азырынча “санариптик адам” боюнча конкреттүү маалымат жок.

Австралияны каптаган өрттүн кесепетинен 4 млн гектар токой күйүп кетти. 23 киши каза болуп, 17 адам жоголду. Аны менен катар 1,3 миң турак үй жана 2,5 миң администрациялык жана чарба курулуштары жок болду.