Венеция каналдарындагы суу кыйла тайыздап кетти. Жалпыга маалымдоо каражаттары суусу кургаган каналдын түбүндө жаткан кайыктын сүрөтүн жарыялады. 

Швейцариялык окумуштуулар пластиктен алтын жасашты. Анын тыгыздыгы чыныгы алтындан 10 эсе аз болгону эле болбосо, химиялык касиеттери боюнча баалуу металлдан калышпайт.

Samsung компаниясы Neon долбоорунун алкагында алгачкы “жасалма адамды” иштеп чыкты. Азырынча “санариптик адам” боюнча конкреттүү маалымат жок.

Австралияны каптаган өрттүн кесепетинен 4 млн гектар токой күйүп кетти. 23 киши каза болуп, 17 адам жоголду. Аны менен катар 1,3 миң турак үй жана 2,5 миң администрациялык жана чарба курулуштары жок болду.

Walt Disney студиясы жараткан “Муз жүрөк 2” мультфильми дүйнөлүк кинематография тарыхындагы эң кирешелүү тасма аталды.

Сапаттуу жогорку билим – карьера жасоого бекем пайдубал болуп бере алат. Борбордук Азиядагы Америка университети гуманитардык багытта америкалык билим берүү салттарынын негизинде эл аралык, мультидисциплинардык билим берүү менен болочоктогу лидерлерди даярдайт. Окуу жайда теория менен практика эриш-аркак алып барылат. БААУ Кыргызстандын жана КМШ өлкөлөрүнүн гана эмес башка мамлекеттердин студенттердин эл аралык билим алышы үчүн да көптөгөн мүмкүнчүлүктөрдү түзүп, жеңилдетүүлөрдү да сунуштайт.

"Оймо" эл аралык фестивалы Кыргызстанда 13 жылдан бери өткөрүлүп келет. Жарманке адатта жай айларында Бишкек шаарында башталып, Ысык-Көлдүн жээгинде уланып келген.