«Ала-Арча» мамлекеттик резиденциясында кыргыз-өзбек мамлекеттик чек арасын делимитациялоо жана демаркациялоо  маселеси боюнча Кыргызстан менен Өзбекстандын Өкмөттүк делегацияларынын биргелешкен жыйыны өтүүдө.

Кыргызстандын жарандарынын идентификациялык картасы – ID картасына «этностук таандыкты» көрсөтө турган графа киргизилди. Тийиштүү токтомго премьер-министрдин милдетин аткаруучу, биринчи вице-премьер-министр Артем Новиков кол койду.

Дүйнө жүзү боюнча 387 ЖМК кызматкери кесиптик ишмердүүлүгүнө байланыштуу түрмөдө жазасын өтөөдө. Бул тууралуу “Чек арасыз кабарчылар” укук коргоо уюмунун баяндамасында айтылат.

Учурда Бишкек шаары «өтө булганыч» шаарлардын катарына киргени айтылып келет. Айрыкча, абанын булганышы адам өмүрүнө кооптуу жагдай жаратууда. Мындан улам COVID-19дан коргонуу үчүн эле эмес, кир абадан да сактануу чараларын көрүп, беткап тагынуу керектигин адистер эскертет.

Кыргызстанда 15-декабрда президенттикке талапкерлердин үгүт иштери башталды. Ал 8-январь, саат: 00:00гө чейин созулат.

Борбордук шайлоо комиссиясы президенттик кызматка талапкерлердин ортосунда мамлекеттик телерадио каналдарында акысыз эфир убактысын жана мамлекеттик басылмаларда акысыз аянтты бөлүштүрүү боюнча чүчүкулак өткөрдү.