Тараптардын жетишилген макулдашууларына ылайык, 2021-жылдын 4-9-августунда Тажикстан Республикасынын Душанбе шаарында Кыргыз Республикасы менен Тажикстан Республикасынын кыргыз-тажик мамлекеттик чек арасын делимитациялоо жана демаркациялоо боюнча Өкмөттүк делегацияларынын топографиялык жумушчу топторунун кезектеги жолугушуусу болуп өттү.

Кыргыз Республикасынын президентинин Жалал-Абад облусундагы ыйгарым укуктуу өкүлчүлүгү тарабынан эгемендүүлүктүн 30 жылдыгына карата "Алтын өрөөн" кол өнөрчүлөрдүн жана дизайнерлердин фестивалы уюштурулууда.

Бүгүн, 9-августта, Кыргыз Республикасынын эл артисти, кыргыз театр жана кино искусствосунун көрүнүктүү таланты, Кыргыз Улуттук Т. Абдумомунов атындагы академиялык драма театрынын актрисасы Искра Райымкулованы акыркы сапарга узатуу зыйнаты өттү. Бул тууралуу Маданият, маалымат, спорт жана жаштар саясат министрлигинин басма сөз кызматы билдирет.

Араванда сууга чөккөн адамды издөө иштери жүрүүдө. Бул тууралуу Өзгөчө кырдаалдар министрлигинин басма сөз кызматы билдирет.

Кыргыз театр искусствосу, орду толгус оор жоготууга учурады. 2021-жылдын 8-августунда 65 жаш курагында узакка созулган оорудан Кыргыз Республикасынын маданиятына эмгек сиңирген ишмери, кыргыз театр искусствосунун талантуу режиссеру, Б. Кыдыкеева атындагы кыргыз мамлекеттик жаш көрүүчүлөр театрынын көркөм жетекчиси Жадылбек (Жалил) Мидинов дүйнөдөн кайтты.

«Социал-демократтар» партиясынын саясий кеңешинин мүчөсү Алга Кылычевди бутка атууга шектелип, Бишкек шаардык кеңешинин депутаты Таалай Темиркулов камалды. Бул тууралуу Ленин райондук ички иштер бөлүмү кабарлады.

Кыргызстанда 8-августка карата коронавирус дагы 602 адамдан аныкталды. Бул тууралуу коронавируска каршы Республикалык штаб билдирет.