Акипресс Turmush басылмасынын окурмандарынын сурамжылоосунун негизинде ички иштер органдарынын кызматкерлери арасында өткөрүлгөн «Мыкты милиция башчысы» сынагынын жыйынтыгы чыгарылды. 6611 упай менен Ош облусунун ички иштер башкармалыгынын башчысы, милициянын полковниги Жеңиш Жоробеков алдыга чыкты. 

30-октябрда Чүй облусунун Аламүдүн районундагы Кой-Таш айылында “Ак-Бермет” бала бакчасынын жаңы имаратынын ачылышы болду. Бала бакчанын мурдагы имараты 60 жыл мурда курулуп, эскилиги жеткен эле. Жаңы имарат 75 орунга ылайыкталган.

Бишкектин Свердлов районунда салттуу айыл чарба жарманкелери өтүүдө, деп билдирет муниципалитеттин басма сөз кызматы.

Кыргызгидромет борбору аба ырайына байланыштуу чукул билдирүү таратты. Синоптиктердин маалыматына караганда, 31-октябрда эрте менен күндүз жана 1-2-ноябрь күндөрү Кыргызстандын аймагында аба ырайынын кескин өзгөрүлүшү күтүлөт.

Казакстандын Караганды облусундагы Костенко атындагы шахтада каза болгондордун саны 45ке жетти. Бул тууралуу "Хабар 24" телеканалы Авариялык-куткаруу кызматынын жергиликтүү өкүлчүлүгүнүн директорунун орун басары Геннадий Силинскийге шилтеме кылып кабарлады.

28-октябрда чөп үстүндөгү хоккей боюнча Кыргызстандын биринчи чемпиондугу болуп өттү. Ага “Чүй”, “Жалал-Абад”, “Ысык-Көл”, “Нарын”, “Бишкек” жана “Дордой” болуп, жалпы алты команда катышты.

Бишкекте 31-октябрдан тарта жылуулук бериле баштайт. Бул тууралуу муниципалитеттин басма сөз кызматынан кабарлашты. Тиешелүү буйрукка мэр Эмилбек Абдыкадыров кол койгон.