"Турмуш" маалымат булагы "7 облустун милициясын жетектеген генерал-майор жана полковниктер: кимиси мыкты?" деген сурамжылоо жүргүзүп, 1-ноябрь ИИМдин кесиптик майрамына карата жыйынтыгын чыгарды. Сап башына Ош ОИИБ начальниги Жеңишбек Жоробеков озуп чыгып, эл тарабынан жогору бааланды. Экинчи орунду Баткен ОИИБ башчысы Мурат Боронов багындырса, үчүнчү тизмеге Жалал-Абад ОИИБ начальниги Жеңиш Абитов илинген. Албетте, бул көрүнүш коомчулуктун тандоосу. Бийликте бел боло турган жетекчилер эмгектенсе, алар бааланышы шарт. 

Кечээ, 3-ноябрда Т.Сатылганов атындагы Кыргыз улуттук филармониясында КР Баатыры, СССРдин эл артисти, Токтогул атындагы мамлекеттик сыйлыктын лауреаты, III даражадагы “Манас” орденинин ээси, Мюнхендеги дүйнөлүк музыка академиясынын академиги, дирижёр Асанкан Жумакматовдун 100 жылдыгына арналган салтанаттуу иш чара өттү. 

Ош шаарында 4-ноябрдан тарта жылуулук бериле баштайт. Бул тууралуу Оштогу муниципалдык "Жылуулук камсыздоо" ишканасынан билдиришти. Мындай чечим 2-ноябрда кабыл алынган. Жылуулук берилгенден кийин 3-4 күн аралыгында шаардын бардык аймагына толук жылуулук жетет.

 Президент Садыр Жапаров бүгүн Түрк мамлекеттер уюмуна мүчө өлкөлөрдүн башчыларынын саммитинин кезектеги онунчу жыйынына катышуу үчүн Астана шаарындагы (Казакстан) "Акорда" президенттик сарайына келди.

Коомдук ишмер жана меценат Аскар Салымбеков той-аштардагы чыгымдарды кыскартуу боюнча сунушун Facebook баракчасына жазды. Ал үйлөнүү тойлорун баса белгилеп, анын форматын да өзгөртүү жөнүндө сунушун берди.

1-ноябрда Күрөш федерациясы ушул жылы эл аралык ири мелдештерде – дүйнө биринчилигинде, Азия оюндарында жана башка эл аралык турнирлерде жеңишке жеткен спортчуларды сыйлады.

Кыргызстанда шафранды өстүрүүнү жайылтуу боюнча мамлекеттик программа иштелип чыгат. Бул тууралуу айыл чарба министри Аскарбек Жаныбеков билдирип, атайын жумушчу топту түздү.