"Мекен ынтымагы" партиясынын жетекчиси Темирбек Асанбеков "Регион" телеканалына интервью берип жатып, чек арадагы абал боюнча оюн билдирди. Анда ал чек ара маселесин баткендиктер гана көтөрүшү керек деген таризде сүйлөдү. 

"Чек ара маселеси боюнча талап койгондордун арасында чек ара аймактарына барып, өз көзү менен көрбөгөн дагы топторду байкоого болот. Муну саясатка аралашып кетсем деген гана жеке кызыкчылык десек болобу?", - деп журналист одоно суроо узаткан. Ага Темирбек Асанбеков: "Баткендин эли келип алып, жаңжал чыгарып атса аны билет элем. Бирок, кыйкырып жаткан адамдардын ичинде Бишкекте эле жашаган, чек арага эч кандай тиешеси жок адамдар саясий курал катары эле көтөрүп жатканын көрүп турабыз", - деп жөнсүз жооп берди.