Интернет айдыңында президенттен жаңы мектеп салып берүүнү өтүнгөн Бекболот Бактыбеков менен Садыр Жапаров жолугушат. Бул тууралуу «Поколение best» кыймылынын башчысы Нуриля Чолпонбаева Facebook баракчасына жазды.

Маалыматта айтылгандай, президент Жапаров Бекболот Бактыбековду эртең, 16-февралда кабыл алат.

Белгилей кетсек, Түп районунун Балбай айылынын тургуну Бекболот Бактыбеков мектеби көгөрүп кеткендиктен окуу токтоп калганын айтып, президентке кайрылган. Ал өлкө башчыдан өз айылына жаңы мектеп салып берүүнү өтүнгөн. Анын бул кайрылуусу интернетте кызуу талкууланып, Инстаграмдагы баракчасына бир күндө 100 миңдей катталуучу топтолгон. Бекболот учурда 2-класста окуйт.

Булак: Марал