Бүгүн 19-январда Ош шаардык ички иштер башкармалыгында 2020-жыл аралыгында башкармалыктын аткарган ыкчам-кызматтык ишмердүүлүгүнүн жыйынтыгы чыгарылды. Жетекчи М.Боронов өз сөзүндө: «2020-жыл Кыргызстаныбыздын эли үчүн оор жылдар болду. Өзгөчө пандемия учурунда элибизди бул оор дарттан коргоодо милиция кызматкерлери алдыӊкы катарда жүрүштү. Тилекке каршы катарлаш кесиптештерибизден дагы айрылдык. Ар бирибиз бул оор күндөрү өз жоопкерчилигибизди сезип, эл үчүн кызмат өтөдүк. Андан сырткары кылмыштуулукка каршы күрөшүп, түзмө-түз милдеттерибизди дагы жоопкерчилик менен аткардык. Ошондой эле кемчиликтерди да баса белгилеп айтты. Мындан сырткары 2021- жылга карата аткарылчу иштер боюнча тапшырма берилди.

Өз ишинде мыктылыгын көрсөткөн кызматкерлерге башкармалыктын начальниги милициянын полковниги М.Боронов тарабынан акчалай сыйлык жана дипломдор тапшырылды. Жыл жыйынтыгы боюнча Ош шаардык ички иштер башкармалыгынын Ак-Буура милиция бөлүмү «мыкты бөлүм» деп табылып, өтмө кызыл туу жана акчалай сыйлык бөлүм жетекчиси К. Козубаевге тапшырылды. Ал эми шаардык ички иштер башкармалыгынын №1-бөлүмчөсү Ош ШИИБнын «мыкты милиция бөлүмчөсү» катары таанылып, анын жетекчиси Турдубек Токобаевге атайын вымпел жана акчалай сыйлык берилди. Ошондой эле өз кызматы боюнча мыкты кызматкерлер катары төмөндөгү кызматкерлер табылды:
-милициянын майору Болотбек Алибеков, экстремизмге, мыйзамсыз миграцияга каршы аракеттенүү кызматынын ыйгарым укуктуу опер кызматкери;
-милициянын капитаны Кубанычбек Гайыпов, шаардык №3 милиция бөлүмчөсүнүн жашы жете электердин иштери боюнча инспекциясынын улук участкалык инспектору;
-милициянын ага лейтенанты Бактыбек Дүйшөев Ош ШИИБнын нөөмөт бөлүмүнүн инспектору;
-милициянын ага лейтенанты Султанбек уулу Бекболсун, Ош ШИИБнын тергөө кызматынын өзгөчө маанилүү иштер боюнча тергөөчүсү:
-милициянын лейтенанты Элчибек Абдиллакимов, шаардык №4-милиция бөлүмчөсүнүн участкалык уполномоченныйы;
-милициянын лейтенанты Самат Токебаев, криминалдык милиция кызматынын ыйгарым укуктуу оперкызматкери;
-милициянын лейтенавнты Арчабек Конурбаев, башкармалыктын инспектор-криминалисти;
-милициянын лейтенанты Бекзат Орозбеков, жоруктар боюнча текшерүү ыйгарым укуктуу кызматкери;
-милициянын лейтенанты Эркин Чокоев, атайын операция отрядынын оперкызматкер-жоокери;
-милициянын прапорщиги Айбек Миркамилов, милициянын кайгуул кызматынын бөлүмчө командири.