Ноокат районунун Токтомат Зулпуев айыл өкмөтүнө караштуу Үчбай орто мектебинин спорттук залына ремонттоо иштери жүргүзүлөт. Бүгүн Айылдык кеңештин төрагасы Ж.Жусупбеков, Айыл өкмөт башчысы С.Мурзакулов, Үчбай айылына барып спорт зал менен жеринен таанышты.

Мектеп директору М.Сарыбаев зал боюнча маалымат берип, ремонттоо керектигин айтып, бул жерде Республикалык деңгээлдеги спортчулар тарбияланып жатканын мисал келтирип өттү. Алар волейболисттер Отор курама командасынын тренери мыкты оюнчу Данияр Шамурзаев, КРдин курама командасынын оюнчусу, волейбол боюнча Азия чемпиону Кутманбек Курсанов, мыкты волейболчу Уларбек Абдрасулов, Мамасадык Аматкулов, КРдин үч жолку чемпиону, Азиянын бир катар сыйлыктарынын ээси атлетчилер Нуржамал Абдалимова, Уларбек Муратовдор ушул жерден тарбияланып чыкканын айтып өттү.

Ал эми Жергиликтүү бийлик өкүлдөрү ремонттоо жүргүзүлөөрүн билдирди.