Кувейттин Бишкекте элчилигин ачуу маселеси кечээ, 30-ноябрь күнү эки мамлекеттин тышкы иштер министрлеринин онлайн сүйлөшүүсүндө талкууланды. Тараптар сүйлөшүүнүн жүрүшүндө аймактык жана эл аралык маселелер боюнча пикир алмашты. Эки тарапт тең ар тараптуу кызматташтыктын бардык маселелери боюнча туруктуу байланыштарды улантууга даяр экендиктерин билдиришти. 

Тышкы иштер министри Руслан Казакбаев өлкөдөгү ички саясий кырдаалды турукташтыруу, кезексиз президенттик шайлоону өткөрүүгө даярдык көрүү, ошондой эле алдыдагы парламенттик шайлоо жана Конституциялык реформа тууралуу маалымат берди.

Өз кезегинде Кувейттин тышкы иштер министри Ахмад Насер Аль Сабах Кувейттин Эмири Кыргыз өлкөсүндөгү жаңы жетекчисине салам жолдоп, ийгиликтер каалаганын айтты. Муну менен бирге Кувейттин Кыргыз өлкөсүндө элчилигин ачуу менен көп тармактуу кызматташууга кызыктар экенин белгилеп өттү.