Бүткүл дүйнөнүн чыдамсыздык менен күтүп жаткан коронавирус вакцинасынын качандан баштап бериле баштаары айтылды. Pfizer жана BioNTech тарабынан жасалган бул вакцина коронавируска каршы эң таасирдүү вакцина катары белгилүү. 

Pfizer жана BioNTech АКШнын тамак-аш жана дары-дармек департаментине (FDA) коронавируска каршы бул вакцинаны тезирээк колдонуп баштоо үчүн өз арызын берген. Маалыматка көрө вакцина качан колдонууга уруксат алса ошол күндөн баштап бериле баштайт. Эске сала кетсек бул вакцина түрк тектүү окумуштуулар Угур Шахин жана анын жубайы Өзлем Түрежи тарабынан ойлоп табылган. 

Американын эң чоң дары-дармек өндүрүүчүсү болгон Pfizer компаниясы жана немец дары-дармек өндүрүүчү компаниясы Biontech 20-ноябрда АКШнын тамак-аш жана дары-дармек департаментине (FDA) коронавируска каршы бул вакцинаны колдонуп баштоого уруксат алуу үчүн өз арызын берген. 
FDA'нын көз карандысыз кеңешчилери вакцинаны колдонууга уруксат берүү же четке кагуу маселесин талкуулаганы 10-декабрда жыйналышка чогулат. Эгерде вакцинаны колдонууга уруксат берилсе вакцинаны Америкада таратуу иштери дароо башталат. Америкада биринчи вакцинаны берүү 11-декабрда башталышы күтүлүүдө.

Монсеф Слауи - вакцинаны алгач кимдерге берилээрин ар бир штат өзү чечээрин айткан. Ал эми федералдык бийлик болсо алгач медицина кызматкерлерине жана жашы улуу риск тобундагы жарандарга берүүнү сунуштап жатат.

Америка декабрь айында жалпысынан 25 миллиондон ашуун вакцинаны колдонууга чыгарууну жана 2021-жылдын май айына чейин Америка калкынын 70%ын вакцина алуусун камсыздоону пландап жатат.  

АКШда коронавирус жуктуруп алган оорулуулардын жалпы саны 12 миллиондон ашты. Акыркы бир жумадан аз убакытта эле ооруну жуктуруп алгандардын саны 1 миллиондон ашкан.