Кытайда жыл сайын 26 миллион тонна кийим-кече таштандыга чыгат. Турмуштук калдыктар ташталуучу полигондор жогорку тездик менен толуп жатат. Бул тууралуу Bloomberg агенттиги билдирет. 

Кытайда бир эле күндө 5 миллиард даана футболка тигилет. Бирок кийим-кеченин сапаты жакшы болбогондуктан, кайра бат эле кийилбей калат. Кытайлар күнүгө таштандыга тонналап кийим ыргытат. 

Агенттиктин маалыматында, дүйнөдө бөлүнүп чыккан көмүр кычкыл газынын 10 пайызы мода индустриясына таандык. Бул деңиз жана авиа тармагына караганда көп. 

Кытайдын негизги көйгөйү - кийим-кечени кайра иштетүү өлкө экономикасы үчүн пайдалуу эмес. Ал эми секонд хендди Кытайдын жакыр деп эсептелген аймактарынын тургундары да кийбейт. 

Кытайда турмуш тиричилик таштандысы үчүн 650дөн ашык полигон бар. 100 футбол талаасынын аймагын ээлеген эң чоң полигон мерчемделген убакыттан 25 жыл мурда толуп калды.