Эртең, 11-октябрда Тажикстанда президенттик шайлоо өтөт. Тажикстандын Шайлоо жана референдум өткөрүү боюнча борбордук комиссиясынын маалыматына ылайык, республиканын аймагында 68 шайлоо округу түзүлүп, анда аймактар жана шайлоочулардын тизмеси көрсөтүлгөн.

Президенттикке беш талапкер ат салышууда. Алар: учурдагы президент Эмомали Рахмон, коммунисттердин лидери Мирож Абдуллоев, социалисттердин лидери Абдухалим Гаффоров, аграрийлердин лидери Рустам Латифзод жана экономикалык реформаторлордун лидери Рустам Рахматзодо. Эмомали Рахмондон башка төрт талапкер Тажикстандын Жогорку Ассамблеясынын Өкүлдөр палатасынын депутаттары.

Тажикстандын Конституциясынын 66-беренесине ылайык, добуш берүүгө шайлоочулардын жарымынан көбү катышса, президенттик шайлоо өттү деп эсептелет. Катышкан шайлоочулардын 50%дан көп добушуна ээ болгон  талапкер президенттикке шайланат.