Бул тууралуу БШКнын Басма-сөз кызматынан билдиришти.

КР Шайлоо жана референдум өткөрүү боюнча борбордук комиссиясы 2020-жылдын 2-сентябрдагы жыйынында Турсунбай Бакир уулунун “Бүтүн Кыргызстан” саясый партиясынын талапкерлеринин тизмесин каттоодон өткөрбөө тууралуу арызын карап, аны канааттандырган жок. Турсунбай Бакир уулу өз негиздемесинде “Бүтүн Кыргызстан” саясый партиясында талапкерлердин тизмеси боюнча фальсификация болгондугун билдирди. Анын айтымында партиянын съездинде талапкерлердин бир тизмеси бекитилип, анда ал 18 орунда болгондугун, ал эми БШКга партиянын ыйгарым укуктуу өкүлү анын аты-жөнү жок башка тизме бергендигин айтты. Жыйынга Турсунбай Бакир уулу да, Адахан Мадумаров да катышкан.

Бул маселе сот органдарынын компетенциясына тиешелүү болгондуктан, Турсунбай Бакир уулу сотко арыз жазып “Бүтүн Кыргызстан” партиясы боюнча кайрыла тургандыгын билдирди.