“Кыргызстан” партиясы документтерин БШКга дагы эле тапшыра элек. Бул тууралуу 24.kg маалымат агенттиги “Мекеменин Кыргызстандын” басма сөз кызматынын башчысы Руслан Изрековго таянуу менен жазып чыкты.

Анын айтымында, бүгүн бул маселе боюнча партиянын материалдарын кабыл алуу же кабыл албоо боюнча жумушчу топтун жыйыны жабык эшик артында өтөт, андан кийин маселе БШК мүчөлөрүнүн жыйынына коюлат.

Кечээ, 1-сентябрда Жогорку Сот БШКнын кассациялык даттануусун канааттандырган жок, биринчи инстанциянын чечимин күчүндө калтырды. Шайлоо комиссиясынын юристтери сот БШКны партиянын документтерин кабыл алып, аны шайлоо кампаниясынын катышуучусу катары калыбына келтирүүгө милдеттендирбегенин түшүндүрүштү. Алар БШК “Кыргызстан” документтерди тапшыруу убактысын кечиктирип жатат деген жүйөө менен, документтерди кабыл алуудан баш тарта алат деп эсептешет.

Эске салсак, “Кыргызстан” партиясы документтерди тапшырууга кечигип келген. Анын лидери Канат Исаев алардын документтери убагында келген деп ырастоодо, тоскоолдук “маанисиз кагаздын” айынан келип чыккан. Борбордук шайлоо комиссиясынын чечими менен саясий бирикме жарыштан четтетилген. Канат Исаев шайлоо комиссиясынын чечимине каршы даттануу үчүн сотко кайрылып, сот “Кыргызстандын” пайдасына чечим чыгарды.