Бул тууралуу Кыргыз Республикасынын президенти Сооронбай Жээнбеков Коомдук телерадиоберүү корпорациясынын “Биринчи радиосуна” берген кезектеги маегинде билдирди.

Анын айтымында, болочок шайлоолордо  кайсы гана партия жеңип чыкпасын, мамлекеттин кызыкчылыгы үчүн иштешүүгө даяр. “Шайлоонун мыйзамдуу, ачык, саясий атаандаштыкта өтүүсүнө болгон шартты түздүк, мыйзам алкагында. Мыйзамдарга өзгөртүүлөр кирди. Бардык партияларга бирдей шарттар түзүлдү. Мындай шартта, элдин эркине каршы чыга турган иш-аракеттердин эч кимге кереги жок жана андай аракеттерди эч ким жасабайт деп ойлойм.

Мен өзүмдүн позициямды Жогорку Кеңештин июнь айындагы жыйынында сүйлөгөндө айткам. Азыр да кайталап коеюн. Партия – бул жалпы коомдун бир гана бөлүгү болуп саналат. Мен кандайдыр бир партияга эмес, жалпы элге кызмат кылуу үчүн шайланган Президентмин. Менин таянганым да, ишенгеним да – Кудай, анан элим. Ошондуктан, Президент катары өлкөнү өнүктүрүү үчүн парламентке кандай партиялар келбесин, баары менен иштешүүгө даярмын”,- деди президент.