Борбор Азиянын лидер аялдары Астанада жолугушту. 19-июнда өткөн диалог “Инновацияларды жана технологияларды өнүктүрүүдө аялдардын ролу” деп аталды. Анда, инновация жана технологияны өнүктүрүү жөнүндө талкуу болду. Бул тууралуу gazeta.uz жазды.

Регионалдык платформа Өзбекстандын демилгеси жана БУУнун колдоосу менен 2020-жылы Өзбекстандын, Казакстандын, Кыргызстандын, Тажикстандын жана Түркмөнстандын лидер аялдарынын ортосунда аялдарга тиешелүү маселелер боюнча консультацияларды жана кызматташтыкты жүргүзүү үчүн түзүлгөн.

Быйыл диалогду Казакстан жетектеп жатат.

Жолугушууда аймактагы өлкөлөрдүн активдүү жана ишкер айымдарынын, академиялык жана илимий чөйрөлөрүнүн, бейөкмөт жана жарандык секторлорунун күч-аракеттерин бириктирүү, демографиялык өнүгүү, гендердик теңчилик боюнча кызматташууну кеңейтүү, туризм тармагындагы долбоорлорду ишке ашыруу, маданият, экология, соода жана санариптик технологияларды өнүктүрүү боюнча талкуу болду.

Жыйында Борбор Азия өлкөлөрүнөн келген аялдар иштеп чыккан  инновациялык долбоорлор жана стартаптар көрсөтүлдү.