"Билим азыгы" коомдук бирикмесинин негиздөөчүсү, журналист Айгүл Атабекова Ош шаардык кеңешинин депутаттык мандатын алды. Ал "Ата-Журт Кыргызстан" партиясынын тизмеси менен келди.

Айгүл Атабекова 1987-жылдын 6-июнунда Россия Федерациясынын Москва шаарында туулган. 2008-жылы Ж.Баласагын атындагы улуттук университетинин журналистика факультетин аяктап, 2011-жылы магистратурасын бүтүргөн. Эмгек жолун 2009-жылы Билим берүү жана илим министрлигинин "Эл агартуу" журналынын редакторунун орун басары болуп баштаган. 2010-2011-жылдары "Кыргыз Туусу" гезитинде кабарчы, андан кийин kloop.kg жана "Ынтымак" радиосунда эмгектенген.

2017-2023-жылдары "Академия роста" интеллектуалдык өнүгүү борборунун Ош облусу боюнча координатору болуп иштеген. 2020-жылы "Билим азыгы" коомдук бирикмесин негиздеп, билим берүүнү өнүктүрүү жагында иш алып барып жатат. PISA баалоо системасы боюнча тренер.