Ош ОИИБ начальниги Жеңиш Жоробеков кесипкɵй адис. Ɵз ишин жогорку деңгээлде билет. Кезинде катардагы милиция кызматкери болуп ишке кирген Жоробеков бүгүнкү жеткен даражасына чейин бардык тепкичтерди татыктуу басып ɵтүп келди. Ак эмгеги менен ИИМде кадыр-барк топтой алды.

«Ит күлүгүн түлкү сүйбɵйт» болуп, учурда полковник Жоробековдун дарегине катуу чабуул башталды. Башкача айтканда, Ош ОИИБ начальнигине карата кара пиардын «казаны» боркулдап кайнап туру. Шамал кайдан согуп жатканын баамдап турабыз. Жалданма жазмакерлерди жалдап, арык аттап, суу кечпеген ушактарды таратууга кызыктар топтун анык жүздөрү ачыкталып калса кантээр экен?

Аныгында, буга чейин Жеңиш мырзанын артынан жаман сɵздɵр ээрчиген эмес. Ишин так аткарган мамлекеттин солдаты катары таанылган. Коомчулукта колдоосу күч. Эгерде кандайдыр бир мыйзамсыз аракеттери болгондо, буга чейин душмандары иликтеп-жиликтеп чыкмак. Андыктан, аргасыз курулай каралоого өтүштү да, туурабы? Бузукулардын бул аракеттери коомчулук тарабынан жɵн гана катардагы каралоонун бири катары бааланууда. Мындай суу кечпеген «кара пиар» Жоробековду мокото албайт.