Бүгүн борбордук «Ала Тоо» аянтында жаңы жылдык балатынын жарыктары жандырылат.

Балатыны жасалгалоого 5 миң метрге жакын гирляндылар, 1,5 миң метр дюралайт илинген, падышалык тон менен кооздолгон этникалык стилдеги 13 инсталляция орнотулган.

Борбордук аянтты кооздоо үчүн светодиоддуу жарыктандыруусу бар туннель түрүндөгү эки инсталляция, 12 кичинекей балаты, 12 кар бүртүкчөлөрү, 20 чоң шар жана 20га жакын акрилден жасалган жарык берүүчү инсталляциялар орнотулду.

Андан тышкары, борбор калаанын борбордук көчөлөрүн жасалгалоого жылдыздар, глобустар жана шар түрүндөгү жаңы жылдык баннерлер илинген.