Жалал-Абаддын Сузак району боюнча калкты социалдык жактан тейлөө бөлүмүнүн башкы адиси М.Э.С. пара алып жаткан жеринен кармалды. Бул тууралуу УКМКнын маалымат кызматы кабарлады.

Ага ылайык, 6-декабрда атайын кызматка жергиликтүү тургун "соцкызматкер жаш балдарга жөлөк пул алуу үчүн берилген арыздарды карап жана каттоо үчүн акча каражатын опузалап талап кылып жатат" деген арыз менен кайрылган.

Бул факт Кылмыш-жаза кодексинин 343-беренесинин 1-бөлүмүндө ("Опузалап пара алуу") каралган кылмыштын белгилери боюнча Кылмыш жана жоруктардын бирдиктүү реестрине катталган.

Кечээ, 7-декабда, ыкчам-иликтөө иш-чараларынын жүрүшүндө кызматкер аял акча алып жаткан жеринен колго түшүрүлгөн.

Учурда тиешелүү тергөө амалдары жүргүзүлүп жатат.