Парламенттик шайлоодо берилген добуштардын баары толугу менен саналып бүттү. Бул тууралуу БШКнын сайтында маалымдалат.

Бюллетендерди кол менен саноо 28-ноябрда шайлоо тилкелери жабылгандан кийин эле башталган.

Өлкөдө жана чет мамлекетте ачылган 2 494 шайлоо участкасындагы протоколдордун маалыматтары келип түшүп, бюллетендер кол менен 100 пайызга эсептелип бүттү.

Ага ылайык, беш пайыздык чектен алты партия өттү:

1. "Ата-Журт Кыргызстан" — 17,30 пайыз;
2. "Ишеним" — 13,63 пайыз;
3. "Ынтымак" — 10,99 пайыз;
4. "Альянс" — 8,34 пайыз;
5. "Бүтүн Кыргызстан" — 7:04 пайыз;
6. "Ыйман нуру" — 6,15 пайыз.

Кыргызстанда парламенттик шайлоо 28-ноябрда өтүп, АСУнун алдын ала жыйынтыгы чыккан.