Жапония Кыргызстанга жалпы наркы 4,6 миллион долларлык медициналык жабдууларды берет. Мындай келишимге 14-июлда Бишкекте кол коюлуп, ага Жапониянын Кыргызстандагы элчиси менен Кыргызстандын каржы министри Бактыгүл Жээнбаева кол койгон.

Жардам Жапония социалдык-өнүктүрүү программасынын алкагында берилүүдө. Анын алкагында коронавирус инфекциясы жайылып жатканына байланыштуу жогорку сапаттагы медициналык жабдуулар алынат. Ошондой эле берилип жаткан жардам Кыргызстанда коронавируска каршы күрөшүп жаткан медицина кызматкерлеринин ишин жеңилдетип, өлкөнүн саламаттык сактоо системасынын жүгүн жеңилдетүүгө багытталган.