Аламүдүн районунун ички иштер бөлүмүнүн тергөөчүлөрү опузалап пара алуу фактысы боюнча кармалды. Бул тууралуу Улуттук коопсуздук мамлекеттик комитетинен кабарлашты.

2021-жылдын 13-ноябрында УКМК тарабынан Жазык кодексинин 326-беренесинин 1-бөлүгү (Опузалап пара алуу) менен Кылмыштардын жана жоруктардын бирдиктүү реестрине катталган сотко чейинки өндүрүш ишинин алкагында, ИИМдин ички иликтөө кызматы менен биргеликте жүргүзүлгөн ыкчам иликтөө иштеринин натыйжасында, Чүй облусунун ИИББнын Аламүдүн РИББ тергөөчүлөрү опузалап пара алуу фактысы боюнча кармалды.

Тергөөчүлөр Н.Д. аттуу жарадан алдамчылык фактысы боюнча сотко чейинки өндүрүштү токтотуу үчүн 70 миң сом талап кылышкан. 10-ноябрда тергөөчүлөр Бишкек шаарындагы банктардын биринен Б.К.Н. аттуу жарандын банк картасы аркылуу Н.Д. өкүлү А.И. жарандарынан 70 миң сом алышып, 12-ноябрда тергөөчү Г.М.Ш. жаран Н.Д.га карата алдамчылык фактысы боюнча сотко чейинки өндүрүштү токтотуу жөнүндө токтом чыгарганы аныкталды.

Кармалган Чүй облусунун ИИББнын Аламүдүн РИББ тергөөчүлөрүнүн бири, Г.М.Ш. КР Жазык-процесстик кодексинин 98-беренесине ылайык КР УКМК тергөө камак жайынын убактылуу кармоочу жайына киргизилди.

Учурда тергөө жүрүп жатат.