Тышкы иштер министри Руслан Казакбаев Италиянын Рим шаарына болгон расмий сапарынын алкагында Рим, Болонья, Казерта, Неаполь, Кальяри, Сардиния, Флоренциядагы кыргыз диаспоралык бирикмелердин, ассоциациялардын жетекчилери жана активисттер менен жолукту. Бул тууралуу ТИМдин маалымат кызматы кабарлады.

Тышкы иштер министри Руслан Казакбаев Италиянын Рим шаарына болгон расмий сапарынын алкагында Рим, Болонья, Казерта, Неаполь, Кальяри, Сардиния, Флоренциядагы кыргыз диаспоралык бирикмелердин, ассоциациялардын жетекчилери жана активисттер менен жолукту
Жолугушуунун жүрүшүндө кыргыз жарандары Италияда жүрүүнү жеңилдетүү тууралуу айтып, пенсия жана социалдык камсыздандыруу, Кыргызстандын айдоочулук күбөлүктөрүн, дипломдорун Италияда таануу, Кыргызстан жана Италия окуу жайларынын окуу пландарын шайкеш келтирүү сыяктуу маселелерди көтөрүшкөн. Ошондой эле Кыргызстандын жарандарынын Италиянын аймагында иштөөсү үчүн квота берүүсүн камсыз кылуу боюнча да көңүл бурууну сунушташкан.

"Мекендештер Кыргызстандын Италиядагы элчилигинин ишине ар тараптан көмөк көрсөтүүгө даяр экендиктерин айтышты. Анын алкагында Италиянын ар кайсы аймактарында кыргыз тилин, кыргыз элинин каада-салтын, үрп-адатын үйрөнүү боюнча маданий-агартуу борборлорун түзүүнү сунуш кылышты", — деп жазылат маалыматта. 
Казакбаев кыргызстандыктардын Италияда жашоо жана иштөө маселелери тиешелүү долбоордук макулдашуулардын алкагында карала тургандыгын белгилеген.