“CapstroyKG” курулуш компаниясынын башкы директору Талантбек Кенжеев медицина кызматкерлерине чын дилден ыраазычылыгын билдирип, компаниянын турак жай комплекстеринин биринен батир белек кыла турганын айткан:

“Урматтуу кыргызстандыктар, кыйын кырдаалда баарыңыздарга чың ден соолук каалайм. Айрыкча, учурда тыным албай иштеп жаткан биздин медицина кызматкерлери өзгөчө көңүл бурууга татыктуу.

Өмүр сакчыларынын эмгеги, күжүрмөндүгү жана эрктүүлүгүнө ыраазычылык катары Кыргызстандагы медицина кызматкерлеринин күнүнө карата “CapstroyKG”  курулуш компаниясы Nova турак жай комплексинен бир бөлмөлүү батир белек кылуу чечимин кабыл алдык”, - деп айтылат компаниянын башкы директорунун кайрылуусунда.  

Сунуш Саламаттык сактоо министрлигине жиберилди. Ага ылайык, “кызыл зонада” иштеп, өз ишинде өзгөчөлөнгөн медицина кызматкери аныкталат. Компания өкүлдөрү чындыгында татыктуу кызматкер тандаларына ишенимин билдиришет.