Мурдагы муфтий, дин аалымы Чубак ажы Жалилов зарылчылык болсо, жардам катары мечитти обсервацияга имарат катары берүүгө даяр экенин өзүнүн фейсбуктагы баракчасында билдирди. 

Анын айтымында, аталган мечитке быйыл толук ремонт болгон. Кондиционери, жылуу суусу, дааратканасы бар. Борбордук канализацияга кошулган.
Дарыгерлерге ылайыктуу дааваткана кабинети бар. 

«Пайгамбарыбыздын (сав) хадисинде: «Ким жалпы элдин көйгөйүн өзүнүн көйгөйү деп билбесе ал бизден эмес!» деп айтылган.Урматтуу саламаттыкты сактоо министрлиги! Урматтуу штаб мүчөлөрү! Эгерде зарылчылык болсо, жардам катары биздин мечитибизди обсервацияга имарат катары берүүгө даярбыз", - деп жазат Чубак ажы Жалилов.