АКШда 2020-жылдын аягына чейин айрым убактылуу виза түрлөрүн берүү токтотулду. Бул тууралуу америкалык лидер Дональд Трамптын жарлыгы Ак үйдүн расмий сайтына илинди.

"Азыр экономиканын бардык секторунда америкалыктар мигранттар менен жумуш орун үчүн атаандашууда. Пандемияга байланыштуу АКШнын экономикасы төмөндөп жатат, ошондуктан айрым визалык программалар америкалыктардын жумуш менен камсыз болушуна коркунуч жаратат", - деди Трамп. 

АКШда ушул жылдын апрель айында жумушсуздук 14,7% жетип, Улуу депрессиядан берки максимумга көтөрүлдү.  Апрель айында Трамп өлкөнү 60 күнгө "жаап" салган эле. 

АКШ таажы вирусу эң көп жайылган өлкө болуп калууда. Бүгүнкү күнгө карата өлкөдө илдетти жуктургандардын саны 2 миллиондон ашып, 120 миңден ашык киши көз жумган.