Кыргыз Республикасынын Жогорку Кеңешинин депутаттарын шайлоо күнү жакындап келе жаткандыктан улам Кыргызстандагы саясий жашоо активдүү фазага өттү.

Ондогон партиялар өздөрүнүн келерки шайлоого катышуусу тууралуу жарыялашты. Алардын арасында коомго мурда белгилүү болуп калган жана ошондой эле жаңы түзүлгөн партиялар да бар. Ошол эле учурда, альянстар түзүлөөрү, партиялар биригеери тууралуу айтылууда. Алардын арасынан бир альянс жөнүндө кызуу талкуулар жүрүп жатат. Аны профессор, белгилүү агартуучу Букуев Медетбек жетектейт деген сөздөр айтылып жатат. Президент ал кишини өзүнүн кеңешчиси кылып дайындаган. Букуевдин жетекчилиги астында бир топ партиялар парламенттик шайлоого бирдиктүү фронт менен баруу үчүн биригишеери жана ал өлкөнүн өнүгүүсү үчүн иштей ала турган жаңы көз караштагы жаш, таза, патриот жана энергиясы күч жаштарды топтоп жаткандыгы айтылууда. Бул альянска кире турган негизги партиялардын бири Темирбек Асанбеков төрагалык кылган “Мекен Ынтымагы” болот деген имиштер бар. Бул иш-чарадан кандай жыйынтык чыгат жана алардын утуп алуу мүмкүнчүлүктөрү кандай болоорун убакыт өзү көрөтөт. Медетбек Букуев бүткүл өмүрүн эл менен иштөөгө, коомго кызмат кылууга арнаган тажрыйбалуу жана билимдүү адис экенин эске алсак, анда ал эффективдүү иштей турган кесипкөй команда түзө алаары шексиз.